काय सांगणार आज मुख्यमंत्री; लाॅकडाऊन वाढ की निर्बंधातून सवलत?

काय सांगणार आज मुख्यमंत्री; लाॅकडाऊन वाढ की निर्बंधातून सवलत?
Uddhav Thackeray

मुंबई : राज्यातल्या कोरोनाच्या पार्श्वभूमीवर मुख्यमंत्री उद्धव ठाकरे आज रात्री साडेआठ वाजता सोशल मिडियावरुन जनतेला संबोधित करणार आहेत. राज्यात लागू असलेल्या कडक निर्बंधांची मुदत उद्या (ता. ३१ मे) संपत आहे. आता मुख्यमंत्री राज्यातले निर्बंध किंवा लाॅकडाऊन वाढविणार का निर्बंधातून सवलती मिळणार, याकडे जनतेचे लक्ष लागले आहे. CM Uddhav Thackeray to Address state to night

राज्यात कोरोनाच्या पार्श्वभूमीवर कडक निर्बंध लावण्यात आले. त्याची मुदत दोन वेळा वाढविण्यात आली. आता राज्यात काही शहरांमध्ये कोरोना रुग्णांची संख्या कमी होत आहे. सुरुवातीच्या टप्प्यात रेमडिसीवीर इंजेक्शनची कमतरता, आॅक्सिजनची कमतरता यामुळे मृत्यूदर वाढला होता. पण आता त्यावर बऱ्याचशा प्रमाणात मात करण्यात आली आहे. राज्यात आॅक्सिजनचा साठा पुरेसा आहे. तसेच रेमडिसीवीरच्या वापराबाबतही आयसीएमआरनं काही निकष दिले आहेत. त्यामुळे या पातळ्यांवर राज्याला दिलासा मिळाला आहे.

हे देखिल पहा

महाराष्ट्रात कालपर्यंत 2 कोटी 22 लाख 20 हजार 673 नागरिकांचे लसीकरण करण्यात आले. दि.29 मे 2021 रोजी  2,99,571 लाभार्थ्यांना लसीकरण करण्यात आले. राज्यात काल 20295 कोरोना बाधीत रुग्णांची वाढ झाली व काल नवीन 31964 कोरोना बाधित रुग्ण बरे झाले आहेत.

एकूण 5339838  रुग्ण बरे होऊन दवाखान्यातून घरी पाठविण्यात आले आहेत.राज्यात एकूण 276573  ऍक्टिव्ह रुग्ण आहेत.राज्यातील रुग्ण बरे होण्याचे प्रमाण आता 93.46% झाले आहे. ही माहिती खुद्द आरोग्यमंत्री राजेश टोपे यांनीच दिली आहे. CM Uddhav Thackeray to Address state to night

राज्यातील लॉकडाऊन १ जूननंतरही सरसकट उठवता येणार नाही मात्र, काही ठिकाणी जिथे रुग्णसंख्या कमी आहे तिथे निर्बंध शिथिल करण्याचा निर्णय राज्य सरकारने घेतला आहे, असे राजेश टोपे यांनी बुधवारी मंत्रीमंडळाच्या बैठकीनंतर सांगितले होते. मुख्यमंत्र्यांसोबत सर्व मंत्र्यांचे लॉकडाऊन लगेच काढणे शक्य नाही, यावर एकमत झाल्याचे राजेश टोपे यांनी सांगितले होते. त्यामुळे आता येत्या १ जून पासून काय स्थिती राहिल याकडे नागरिकांचे लक्ष आहे.  
Edited By - Amit Golwalkar

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com