मुंबई/जयपूर - सरकार स्थापण्यात भाजपने असमर्थता दर्शविल्यानंतर शिवसेनेला पाठिंबा देण्यावरून काँग्रेस पक्षात उभी फूट पडली असल्याचे चित्र निर्माण झाले आहे. या पार्श्वभूमीवर काँग्रेसचे ज्येष्ठ नेते अहमद पटेल हे सध्या जयपूरला जाऊन थांबलेल्या राज्यातील काँग्रेस आमदारांची भेट घेणार असल्याचे सूत्रांनी सांगितले. अहमद पटेल हे या आमदारांची मते जाणून घेऊन केंद्रातील वरिष्ठांना कळविणार आहेत.
भाजपने सत्ता स्थापणार नसल्याचे जाहीर केल्यानंतर राज्यातील राजकीय घडामोडींना वेग आला आहे. त्यानंतर भाजपनंतरचा सर्वांत मोठा पक्ष म्हणून राज्यपालांनी शिवसेनेला सत्तास्थापनेचे निमंत्रण दिले आहे. ‘मुख्यमंत्री आमचाच’ असा घोष करणाऱ्या शिवसेनेकडे सरकार स्थापनेसाठी लागणारे बहुमत मात्र नाही. सरकार स्थापण्यासाठी त्यांना काँग्रेस आणि राष्ट्रवादी काँग्रेसचा पाठिंबा आवश्यक आहे. हा पाठिंबा द्यायचा की नाही, यावरून काँग्रेस नेत्यांमध्ये दुमत आहे. आम्हाला विरोधी बाकांवर बसण्याचा जनादेश मिळाला असल्याचे आघाडीच्या नेत्यांनी आधीच जाहीर केले असल्याने आता शिवसेनेला पाठिंबा देऊन सत्तेची संधी साधायची का, याबाबत चलबिचल असल्याचे समजते.
Web Title: shivsena congress government politics
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.