IND VS PAK ASIA CUP 2023: आशिया चषक २०२३ स्पर्धा कुठल्या देशात होणार? हा प्रश्न काही सुटायचं नाव घेत नाही. या स्पर्धेचं यजमानपद पाकिस्तानकडे आहे. मात्र बीसीसीआयने पाकिस्तानमध्ये जाऊन खेळण्यास नकार दिला आहे.
बीसीसीआयचे सचिव जय शाह यांचं स्पष्ट मत आहे की, ही स्पर्धा पाकिस्तानच्या बाहेर खेळवण्यात यावी. या सर्व चर्चा सुरु असताना बीसीसीआयने वुमेन्स इमर्जिंग एशिया कप स्पर्धेसाठी भारतीय अ संघाच्या स्कॉडची घोषणा केली आहे.
बीसीसीआयने केली संघाची घोषणा..
शुक्रवारी (२ जून) बीसीसीआयने आगामी वुमेन्स इमर्जिंग एशिया कप स्पर्धेसाठी भारतीय अ संघाची घोषणा केली आहे. यादरम्यान त्यांनी १४ खेळाडूंची नावं जाहीर केली आहेत. यासह या स्पर्धेचं वेळापत्रक देखील जाहीर केलं आहे.
बीसीसीआयने ट्विट करत याबाबत माहिती दिली आहे. तसेच संघाच्या कर्णधारांची नावं देखील जाहीर करण्यात आली आहेत. श्वेता सेहरावतला या संघाचे कर्णधारपद तर सौम्या तिवारीला उपकर्णधारपदाची जबाबदारी देण्यात आली आहे.
या दिवशी रंगणार भारत - पाकिस्तान सामना..
या स्पर्धेची सुरुवात १२ जूनपासून होणार असून हे सामने हाँगकाँग मधील टिन क्वांग रोड रिक्रिएशनच्या मैदानावर पार पडणार आहेत. भारतीय महिला अ संघाचा पहिला सामना १३ जून रोजी पार पडणार आहे.
भारतीय महिला संघाचा पहिला सामना हाँगकाँग अ संघासोबत होणार आहे. तर पुढील सामना थायलंड अ संघासोबत होणार आहे. भारत आणि पाकिस्तानचा संघ १७ जून रोजी आमने सामने येणार आहे. (Latest sports updates)
या स्पर्धेसाठी असा आहे भारतीय महिला अ संघ:
श्वेता सेहरावत (कर्णधार), सौम्या तिवारी (उपकर्णधार), त्रिशा गोंगडी, मुस्कान मलिक, श्रेयंका पाटील, कनिका आहुजा, उमा क्षेत्री (यष्टीरक्षक), ममता माडीवाला (यष्टीरक्षक), तीतास संधू, यशश्री एस, काश्वी गौतम , पार्श्वी चोप्रा, मन्नत कश्यप, बी अनुषा
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
