Team India : टीम इंडियाचा नवा निवड समिती प्रमुख कोण? ३०० विकेट घेणारा दिग्गज खेळाडू शर्यतीत

निवड समिती बरखास्त केल्यानंतर पुढचा निवड समिती प्रमुख कोण, याबाबत उत्सुकता निर्माण झाली आहे.
BCCI On Team India, Ajit Agarkar /Twitter
BCCI On Team India, Ajit Agarkar /TwitterSAAM TV

BCCI On Team India : बीसीसीआयने शुक्रवारी संध्याकाळी उशिरा वरिष्ठ निवड समिती बरखास्त करून सगळ्यांनाच आश्चर्याचा धक्का दिला. टी २० वर्ल्डकप २०२२ मध्ये टीम इंडियाच्या पराभवानंतर बीसीसीआयने केलेली ही पहिली मोठी कारवाई आहे. चेतन शर्मांच्या नेतृत्वाखाली निवड समितीवर अनेक प्रश्न उपस्थित केले गेले. आता संपूर्ण निवड समिती बरखास्त केल्यानंतर पुढचा निवड समिती प्रमुख कोण, याबाबत उत्सुकता निर्माण झाली आहे.

रिपोर्ट्सनुसार, भारताचा माजी दिग्गज क्रिकेटपटू अजित आगरकर नवीन निवड समिती प्रमुखपदाच्या शर्यतीत सर्वात पुढे आहे. अजित आगरकरने याआधीही या पदासाठी अर्ज केला होता. मात्र, मागच्या वेळी ही संधी हुकली होती. यावेळी मात्र, आगरकरच्या निवडीची शक्यता अधिक आहे, असे बोलले जात आहे.  (Sports News)

एका रिपोर्टनुसार, बीसीसीआयच्या एका अधिकाऱ्यानं सांगितलं की, अजित आगरकर यांच्याशी अजूनही याबाबत काही बोलणे झालेले नाही. जर ते या पदासाठी अर्ज करू इच्छित असतील तर काही हरकत नाही. मागच्या वेळी ते या पदापासून दूर राहिले होते. ते तरूण आहेत. तिन्ही प्रकारांत खेळण्याचा त्यांचा अनुभव मोठा आहे. त्यात आयपीएलचाही समावेश आहे. (Cricket News)

BCCI On Team India, Ajit Agarkar /Twitter
Cricket News : टी २० वर्ल्डकपमधील पराभवानंतर BCCI ची पहिली मोठी कारवाई; दिग्गजांची केली हकालपट्टी

आगरकर आयपीएलमध्ये दिल्ली कॅपिटल्सचा असिस्टंट कोच

आयपीएलमध्ये दिल्ली कॅपिटल्स संघाचे असिस्टंट कोच म्हणून अजित आगरकर हे काम करत आहेत. जर त्यांनी निवड समिती प्रमुखपदासाठी अर्ज केल्यास त्यांना हे पद सोडावे लागेल. बीसीसीआयचे नियम बघितले तर अजित आगरकर या पदासाठी योग्य उमेदवार आहेत.

BCCI On Team India, Ajit Agarkar /Twitter
Team India: भारतीय संघात होणार मोठे बदल, रोहित शर्मा, विराट कोहली बाहेर जाणार? कारण...

निवड समिती प्रमुखपदासाठी पात्रता

खेळाडूनं सात किंवा त्यापेक्षा अधिक कसोटी सामने खेळलेले असावेत.

३० प्रथम श्रेणी सामने खेळलेले असावेत.

१० एकदिवसीय आणि २० लिस्ट ए सामने

५ वर्षांपूर्वी क्रिकेटमधून निवृत्ती

बीसीसीआयच्या कोणत्याही समितीचा सदस्य नसावा आणि पुढील पाच वर्षांसाठी सेवा देता येईल.

अजित आगरकरची क्रिकेट कारकीर्द

२६ कसोटी, ५८ विकेट

१९१ वनडे, २८८ विकेट

४ टी २० सामने, ३ विकेट

३२ आयपीएल सामने, २९ विकेट

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com