WTC FINAL : WTC फायनलसाठी लवकरच होणार टीम इंडियाची घोषणा! KL Rahul सह या १५ खेळाडूंना मिळू शकते संधी

team india for wtc final: भारतीय संघाने आयसीसी वर्ल्ड टेस्ट चॅम्पियनशिप स्पर्धेच्या अंतिम सामन्यात प्रवेश केला आहे. ७ ते ११ जून दरम्यान ओव्हलच्या मैदानावर भारत आणि ऑस्ट्रेलिया या दोन्ही संघांमध्ये अंतिम सामना रंगणार आहे.

त्यामुळे ७ मे पर्यंत भारतीय संघाला १६ सदस्यीय संघाची घोषणा करावी लागणार आहे. या संघात कुठल्या खेळाडूंना संधी मिळू शकते, चला पाहूया.

बीसीसीआयच्या एका अधिकाऱ्याने दिलेल्या माहितीनुसार, ७ मे पर्यंत १६ खेळाडूंची निवड करावी लागणार आहे. तर २२ मे पर्यंत संघात बदल करण्याची मुदत मिळणार आहे.

भारतीय संघातील मध्यक्रमातील फलंदाज श्रेयस अय्यर दुखापतग्रस्त झाला आहे. तो जर फिट झाला नाहीतर केएल राहुलला संघात स्थान मिळण्याचा मार्ग मोकळा होऊ शकतो. (Latest sports updates)

बॉर्डर गावसकर ट्रॉफीतील पहिल्या २ सामन्यांमध्ये फ्लॉप ठल्यानंतर केएल राहुलला संघाबाहेर केलं गेलं होतं. त्यानंतर शुभमन गिलला सलामीवीर फलंदाज म्हणून संधी दिली गेली होती.

आता जर केएल राहुलला संधी मिळाली तर तो पाचव्या क्रमांकावर फलंदाजीला येऊ शकतो.

केएल राहुलचा परदेशातील रेकॉर्ड दमदार आहे. त्यामुळे त्याला यष्टीरक्षक फलंदाज म्हणून संधी दिली जाऊ शकते. कारण ऑस्ट्रेलियाविरुध्द झालेल्या कसोटी मालिकेत केएस भरतला देखील हवी तशी कामगिरी करता आली नव्हती.

त्यामुळे या महत्वाच्या सामन्यात केएस भरतच्या जागी केएल राहुल यष्टिरक्षण करताना दिसून येऊ शकतो.

असा असू शकतो १६ सदस्यीय संघ.

रोहित शर्मा (कर्णधार ), शुभमन गिल, चेतेश्वर पुजारा, विराट कोहली, श्रेयस अय्यर (फिट असेल तर ), केएल राहुल, सूर्यकुमार यादव, रवींद्र जडेजा, केएस भरत, आर अश्विन, शार्दुल ठाकुर, मोहम्मद शमी, मोहम्मद सिराज, उमरान मलिक, जयदेव उनाडकट, उमेश यादव.