इंग्लंड आणि न्यूझीलंड या दोन्ही संघांमध्ये ४ वनडे सामन्यांची मालिका सुरू आहे. या मालिकेतील तिसरा वनडे सामना बुधवारी पार पडला. या सामन्यात इंग्लंडने पाहुण्या न्यूझीलंड संघाचा १८१ धावांनी धुव्वा उडवत विजय मिळवला आहे. यासह मालिकेत २-१ ची आघाडी घेतली आहे. दरम्यान १८२ धावांची विस्फोटक खेळी करणाऱ्या बेन स्टोक्सने एक मोठा रेकॉर्ड मोडून काढला आह
इंग्लंडचा धडाकेबाज अष्टपैलू खेळाडू बेन स्टोक्सने काही दिवसांपूर्वीच वनडे निवृत्तीतुन माघार घेतली आहे. आगामी वर्ल्डकप स्पर्धा लक्षात ठेऊन त्याने हा निर्णय घेतला. आता न्यूझीलंडविरुद्ध सुरू असलेल्या सामन्यात त्याचा विस्फोटक अंदाज पाहायला मिळाला आहे.
या सामन्यात त्याने अवघ्या ७६ चेंडूंमध्ये आपले शतक पूर्ण केले. मात्र त्याचे दुहेरी शतक अवघ्या १८ धावांनी हुकले आहे. यादरम्यान तो इंग्लंड संघासाठी वनडेत सर्वात मोठी खेळी करणारा फलंदाज ठरला आहे.
या सामन्यात डेव्हिड मलान बाद होऊन माघारी परतल्यानंतर बेन स्टोक्स आणि जोस बटलरने न्यूझीलंडच्या गोलंदाजांची चांगलीच धुलाई केली. या डावात बेन स्टोक्सने १२४ चेंडूंचा सामना करत १८२ धावांची खेळी केली. यासह त्याने जेसन रॉयचा १८० धावांची खेळी करण्याचा रेकॉर्ड मोडून काढला आहे. (Latest sports updates)
या सामन्याबद्दल बोलायचं झालं तर, ओव्हलच्या मैदानावर रंगलेल्या या सामन्यात न्यूझीलंडने नाणेफेक जिंकत गोलंदाजी निवडली होती. इंग्लंडकडून फलंदाजी करताना डेव्हिड मलानने ९६ तर बेन स्टोक्सने १८२ धावांची खेळी केली.
तर कर्णधार जोस बटलर ३८ धावा करत माघारी परतला. इंग्लंडचा डाव ३६८ धावांवर संपुष्टात आला. या धावांचा पाठलाग करताना न्यूझीलंडकडून एकट्या ग्लेन फिलिप्सने ७२ धावांची खेळी केली. दुसऱ्या कुठल्याही फलंदाजाला अर्धशतक झळकावता आलं नाही. न्यूझीलंडचा डाव १८७ धावांवर संपुष्टात आला.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
