IND VS AUS भारत विरुध्द ऑस्ट्रेलिया या दोन्ही संघांमध्ये ४ कसोटी सामन्यांची मालिका सुरु आहे. या मालिकेतील तिसरा कसोटी सामना इंदूरच्या मैदानवार पार पडला. या सामन्यात ऑस्ट्रेलिया संघाने ९ गडी राखून विजय मिळवला.
या मालिकेत भारतीय संघ २-१ ने आघाडीवर आहे. मात्र अंतिम कसोटी सामना जिंकून ऑस्ट्रेलिया संघाकडे ही मालिका बरोबरीत आणण्याची संधी असणार आहे. दरम्यान या सामन्यापूर्वी ऑस्ट्रेलिया संघाच्या खेळाडूने निवृत्तीची घोषणा केली आहे. (Latest sports updates)
या खेळाडूने केली निवृत्तीची घोषणा..
ऑस्ट्रेलिया संघातील वेगवान गोलंदाज ट्रेंट कॉपलँडने आंतरराष्ट्रीय क्रिकेटला राम राम केले आहे. त्याला ऑस्ट्रेलिया संघाकडून केवळ ३ कसोटी सामने खेळण्याची संधी मिळाली. अवघ्या १७ दिवसात त्याची कारकीर्द संपुष्ठात आली. त्याने ऑस्ट्रेलिया संघासाठी खेळताना ३ कसोटी सामन्यांमध्ये ६ गडी बाद केले होते. हे ३ सामने २०११ मध्ये श्रीलंका संघाविरुध्द झाले होते.
ट्रेंटने ट्विट करत निवृत्ती घेत असल्याची बातमी दिली आहे. त्याने आपल्या ट्विटमध्ये लिहिले की ,'मी क्रिकेटचे हे हंगाम सुरु होण्यापूर्वीच निवृत्ती घेण्याच्या विचारात होतो. माझं वय आता ३७ वर्ष होणार आहे. त्यामुळे मला वाटतं की ही निवृत्ती घेण्याची योग्य वेळ आहे. युवा खेळाडूंनाही संधी मिळेल. मी क्रिकेटमधून जे काही मिळवलं त्याचा मला अभिमान आहे. या प्रवासात मला माझ्या कुटुंबीयांनी मला खूप सहकार्य केलं,'
अशी राहिली कारकीर्द..
ट्रेंटला आंतरराष्ट्रीय स्तरावर जास्त सामने खेळण्याची संधी मिळाली नाही. मात्र त्याने प्रथम श्रेणी क्रिकेटमध्ये जोरदार कामगिरी केली. त्याने ११२ सामन्यांमध्ये ४१० गडी बाद केले. तर ३९ लिस्ट -ए सामन्यांमध्ये त्याने ४१ गडी बाद केले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
