Common Wealth Games 2022 : पीव्ही सिंधूनंतर राष्ट्रकुल स्पर्धेत आज बॅडमिंटनपटू लक्ष्य सेननं (Lakshya Sen) गाेल्डन कामगिरी करुन भारताचा क्रीडा क्षेत्रातील दबदबा सिद्ध केला. लक्ष्यनं मिळविलेल्या यशानंतर देशात क्रीडाप्रेमींनी (sports) फटाके फाेडले. (Lakshya Sen News)
या सामन्यातील पहिल्या गेममध्ये लक्ष्य सेननं उत्कृष्ट खेळाचे प्रदर्शन घडवलं. परंत त्यात त्याला यश आलं नाही. त्याने पहिला गेम (21-19) असा गमावला. त्यानंतर दुस-या गेमध्ये लक्ष्यनं काही अप्रतिम फटके मारत (18-08) अशी निर्णायक आघाडी घेतली. हा गेम लक्ष्य सेननं (21-09) असा जिंकला.
तिस-या गेममध्ये लक्ष्यनं पुन्हा एकदा मलेशियाच्या त्झे योंग याच्यावर दबाव ठेवला. लक्ष्यने स्वत:चे काैशल्यपणास लावत सामन्यावर पकड मिळविली. त्याने तिसरा गेम (21-16) असा जिंकला. लक्ष्य सेननं मलेशियाच्या त्झे योंगचा (19-21, 21-9 21-16) अशी मात केल्यानंतर पुरुष एकेरीत सुवर्णपदक जिंकल्याचा आनंदात त्याने प्रेक्षकांच्या दिशेने रॅकेट आणि त्यानंतर टी-शर्ट भिरकावला.
राष्ट्रकुल स्पर्धेत आज पीव्ही सिंधूनंतर वीस वर्षीय लक्ष्य सेननं देशास विसावं सुवर्णपदक जिंकून दिलं आहे. यामुळं आता देशाच्या एकूण पदकांची संख्या 57 वर पाेहचली आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.