CSK VS GT Final: आयपीएल २०२३ स्पर्धेतील अंतिम सामना चेन्नई सुपर किंग्ज आणि गुजरात टायटन्स या दोन्ही संघांमध्ये पार पडणार आहे. हा सामना ठरलेल्या वेळापत्रकानुसार रविवारी खेळवला जाणार होता. या सामन्यासाठी नरेंद्र मोदी स्टेडियमवर जय्यत तयारी देखील केली गेली होती. मात्र पावसाने या सामन्यावर पाणी फेरलं.
त्यामुळे हा सामना आज खेळवला जाणार आहे. हा सामना आज संध्याकाळी ७:३० वाजता रंगणार आहे. दरम्यान हार्दिक पंड्याची अंतिम सामन्यातील कामगिरी एमएस धोनीची झोप उडवू शकते.
अंतिम सामन्यात हार्दिकचा शानदार रेकॉर्ड...
हार्दिक पंड्याच्या नेतृत्वखाली खेळणारा गुजरात टायटन्स संघ सलग दुसऱ्यांदा आयपीएल स्पर्धेच्या अंतिम फेरीत दाखल झाला आहे. हे गुजरात टायटन्स संघाचे दुसरे हंगाम आहे. पहिल्या हंगामात गुजरात टायटन्स संघाने राजस्थान रॉयल्स संघाला पराभूत करत जेतेपदाला गवसणी घातर्ली होती.
तर हा हार्दिक पंड्याचा गुजरात टायटन्स संघासाठी खेळताना दुसरा अंतिम सामना असणार आहे. मात्र हार्दिक पंड्यासाठी अंतिम सामना खेळण्याची आणि तो जिंकण्याची ही पहिलीच वेळ नाहीये. तर यापूर्वी देखील तो ४ वेळेस विजेत्या संघाचा भाग राहिला आहे. (Latest sports updates)
हार्दिक पंड्या ठरणार गुजरातसाठी लकी?
हार्दिक पंड्याचा अंतिम सामन्यातील रेकॉर्ड पाहिला तर, तो ५ वेळेस अंतिम सामना खेळण्यासाठी मैदानात उतरला आहे. या पाचही सामन्यांमध्ये हार्दिक पंड्याचा संघ विजयी ठरला आहे. तो ४ अंतिम सामन्यांमध्ये ( २०१५,२०१७,२०१९ आणि २०२०) मुंबई इंडियन्स संघाचा भाग राहिला आहे.
हे चारही सामने मुंबईने जिंकले आहेत. तर पाचव्या हंगामात तो गुजरात टायटन्स संघाकडून खेळत होता. या हंगामातही गुजरात टायटन्स संघ विजयी झाला होता. आता हार्दिक पंड्या सहाव्यांदा अंतिम सामना खेळण्यासाठी मैदानात उतरणार आहे. ही आकडेवारी पाहता असं म्हटलं जात आहे की, गुजरात टायटन्स संघ चेन्नईला पराभूत करत दुसऱ्यांदा जेतेपदाला गवसणी घालू शकतो.
आज रंगणार अंतिम सामना..
रविवारी अहमदाबादमध्ये पावसाने तुफान बॅटिंग केली. त्यामुळे हा सामना आज खेळवला जाणार आहे. रविवारी रात्री ११ वाजता पाऊस थांबला. मात्र सामना खेळण्यासाठी योग्य असं मैदान तयार करण्यासाठी कमीत कमी १ तासांचा अवधी लागणार होता.
त्यामुळे खेळाडू, प्रशिक्षक आणि सामना अधिकाऱ्यांनी मिळून सामना रिझर्व्ह डेच्या दिवशी खेळवण्याचा निर्णय घेतला होता. सलग दुसऱ्यांदा अंतिम फेरीत प्रवेश करणारा गुजरात टायटन्स संघ दुसरे जेतेपद मिळवण्याच्या प्रयत्नात असणार आहे.
तर दहाव्यांदा अंतिम फेरीत जाणारा चेन्नईचा संघ पाचवे जेतेपद मिळवण्याचा प्रयत्नात असणार आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
