CWG 2022 : टीम इंडिया गोल्ड मेडलपासून फक्त एक पाऊल दूर, इंग्लंडला लोळवून फायनलमध्ये धडक

कॉमनवेल्थ गेम्स २०२२ मध्ये भारतीय महिला क्रिकेट संघानं फायनलमध्ये धडक दिली आहे.
CWG 2022
CWG 2022 Saam Tv

CWG 2022 Indian Women Cricket Team Enters Final| मुंबई: कॉमनवेल्थ गेम्स २०२२ मध्ये भारतीय महिला क्रिकेट संघानं फायनलमध्ये धडक दिली आहे. भारतीय संघानं (Indian Team) सेमिफायनलमध्ये बलाढ्य इंग्लंडला लोळवून दिमाखात फायनलमध्ये प्रवेश करून पदक निश्चित केलं आहे. चुरशीच्या लढतीत भारतीय संघानं इंग्लंडला ४ धावांनी पराभूत केलं. आता टीम इंडियाची महिला ब्रिगेड सुवर्णपदकापासून फक्त एक पाऊल दूर आहे.

CWG 2022
Common Wealth Games 2022 : मराठमाेळ्या अविनाश साबळेनं पटकाविलं राैप्यपदक (व्हिडिओ पाहा)

हरमनप्रीत कौरच्या नेतृत्वाखाली टीम इंडियानं कॉमनवेल्थ गेम्स २०२२ (CWG 2022) मध्ये महिला क्रिकेट स्पर्धेत फायनलमध्ये प्रवेश केला आहे. भारतानं (Indian Women Cricket Team) सेमिफायनमध्ये इंग्लंडला ४ धावांनी पराभूत केलं. प्रथम फलंदाजी करताना भारतानं ५ विकेट गमावून १६४ धावा केल्या होत्या.

भारतानं (Team India) दिलेलं १६५ धावांचं आव्हान घेऊन मैदानात उतरलेल्या इंग्लंड संघाला ६ विकेट गमावून १६० धावाच करता आल्या. आता भारतीय महिला क्रिकेट संघ सुवर्णपदकापासून अवघे एक पाऊल दूर आहे. (CWG 2022 Womens Cricket Semifinal )

CWG 2022
CWG22 : हिमा दासचं आव्हान संपुष्टात; प्रियांका गोस्वामीनं चालण्याच्या शर्यतीत पटकाविलं राैप्य

स्मृती मंधानाचं धमाकेदार अर्धशतकी खेळी आणि त्यानंतर स्नेह राणा आणि दीप्ती शर्मा यांनी केलेल्या जबरदस्त गोलंदाजीच्या जोरावर भारतानं इंग्लंडवर विजय मिळवून फायनलमध्ये दिमाखात प्रवेश केला.

भारतानं प्रथम फलंदाजी करताना ५ विकेट गमावून १६४ धावा केल्या. भारताकडून स्टार सलामीवीर स्मृती मंधाना हिने जबरदस्त फलंदाजी केली. तिने ६२ धावा कुटल्या. तर जेमिमा रॉड्रिग्ज हिने अखेरच्या षटकात तुफानी फलंदाजी करत टीम इंडियाला सन्मानजनक धावसंख्या उभारून दिली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com