Ind vs Aus David warner: भारत विरुध्द ऑस्ट्रेलिया यांच्यातील ४ कसोटी सामन्यांची मालिका सुरु असतानाच एका दिग्गज खेळाडूची कारकीर्द संपुष्ठात येऊ शकते. अशी भविष्यवाणी ऑस्टेलियाचा माजी कर्णधार रिकी पॉंटिंगने केली आहे. (Latest sports updates)
ऑस्ट्रेलियाचा दिग्गज कर्णधार रिकी पॉंटिंगचे म्हणणे आहे की, भारत विरुध्द ऑस्ट्रेलिया कसोटी मालिका ही डेव्हिड वॉर्नरच्या कसोटी कारकिर्दीतील शेवटची कसोटी मालिका ठरू शकते. कारण या मालिकेतील २ सामन्यांमध्ये त्याला हवी तशी कामगिरी करता आली नव्हती. तर उर्वरित २ कसोटी सामन्यातुन तो दुखापतीमुळे संघातून बाहेर झाला आहे.
रिकी पॉंटिंगने आरएसएन क्रिकेटला दिलेल्या मुलाखतीत म्हटले की ,'मी त्यांना चक्रबद्दल बोलताना ऐकलं आहे. वर्तमान चक्र वर्ल्ड टेस्ट चॅम्पियनशिपनंतर संपेल. वर्ल्ड टेस्ट चॅम्पियनशिप स्पर्धेचा अंतिम सामना ऍशेस मालिकेच्या एक आठवड्यापूर्वी पार पडणार आहे. सर्व काही ठीक राहिलं तर ते डेव्हिड वॉर्नरला या कसोटी सामन्यापर्यंत आपल्या सोबत ठेऊ शकतात. मात्र हे सर्व त्याच्यावर अवलंबून असणार आहे. एक फलंदाज म्हणून तुम्ही केवळ धावा करू शकता जर तुम्ही धावा नाही केल्या तर तुमच्या अडचणी वाढू शकतात.'
तसेच तो पुढे म्हणाला की,' हे सर्वांसोबत घडतं, माझ्यासोबतही घडलं आहे. जेव्हा तुमचं वय होतं. धावा करण्याची गती कमी होते त्यावेळी टीका करणाऱ्यांची संख्या वाढू लागते. वॉर्नरला ज्या पद्धतीने आपल्या कसोटी कारकिर्दीचा शेवट करायचा होता, तसा शेवट तो सिडनीच्या मैदानावर करू शकला असता. बॉक्सिंग डे कसोटीत त्याने दुहेरी शतक झळकावले होते. हा त्याचा १०० वा सामना होता. तर सिडनीच्या मैदानावर झालेला सामना हा त्याच्या कारकिर्दीतील १०१ वा सामना होता.'
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.