आयपीएल 2022 (IPL 2022) च्या 46 व्या सामन्यात सनरायझर्स हैदराबादला (SRH) भलेही पराभव पत्करावा लागला असेल, परंतु या सामन्यात त्यांचा वेगवान गोलंदाज उमरान मलिकने (Umran Malik) पुन्हा एकदा लोकांना आश्चर्यचकित केले. उमरान मलिकने सामन्यात 154 किमी प्रति तास वेगाने एक चेंडू फेकला. हा चेंडू यंदाच्या हंगामातील सर्वात वेगवान चेंडू ठरला आहे. उमरानने लॉकी फर्ग्युसनला मागे टाकले ज्याने 153.9 च्या गतीने चेंडू टाकला होता. उमरान हा या स्पर्धेत सर्वात वेगवान गोलंदाजी करणारा भारतीय ठरला आहे, तरीही तो चार वेगवान गोलंदाजांच्या मागे आहे. आयपीएलच्या इतिहासातील चार वेगवान चेंडू फेकलेले गोलंदाज कोण आहेत ते जाणून घ्या.
शॉन टेट
ऑस्ट्रेलियाचा माजी वेगवान गोलंदाज शॉन टेटने आयपीएलच्या इतिहासातील सर्वात वेगवान चेंडू टाकला आहे. 2011 मध्ये राजस्थान रॉयल्सकडून खेळताना टेटने 157.7 किमीच्या वेगात चेंडू टाकला होता. अॅरॉन फिंच त्यावेळी फलंदाजी करत होता. 11 वर्षांनंतरही टेटचा विक्रम जशास तसा आहे.
एनरिक नॉर्टेजे
शॉन टेटचा विक्रमाच्या सर्वात जवळ एनरिक नॉर्टजे पोहोचला होता. IPL 2020 मध्ये नॉर्टजेने 156.2 किमीच्या वेगात चेंडू टाकला होता. दिल्ली कॅपिटल्सच्या या गोलंदाजाने हा चेंडू राजस्थान रॉयल्सचा सलामीवीर जोस बटलरला टाकला होता, ज्यावर त्याने स्कूप शॉट खेळून चौकार ठोकला होता. याशिवाय नॉर्टजेने 155.21, 154.74 आणि 154.21 किमी प्रतितास या वेगाने चेंडू फेकले आहेत.
डेल स्टेन
सनरायझर्स हैदराबादचा सध्याचा गोलंदाजी प्रशिक्षक डेल स्टेन यानेही उमरान मलिकच्या गतीएवढा वेगवान चेंडू टाकला होता. डेल स्टेनने 2012 साली डेक्कन चार्जर्सकडून खेळताना 154.40 किमी प्रतितास वेगाने चेंडू टाकला होता.
कगिसो रबाडा
दक्षिण आफ्रिकेचा वेगवान गोलंदाज कगिसो रबाडा यानेही 154.23 किमी प्रतितास वेगाने चेंडू फेकला आहे. रबाडाने आयपीएलच्या इतिहासात 16 वेळा 150 किमीच्या वेगाने चेंडू टाकला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.