FIFA WC 2022: सेनेगलचा दणका, कतारचं टेन्शन वाढलं; सलग दोन धक्के यजमान संघाला विश्वचषकातून बाहेर फेकणार?

पहिल्या अर्ध्या तासाच्या खेळावर नजर टाकली, तर निश्चितपणे सेनेगलचा संघ अधिक वरचढ होता.
FIFA WC 2022
FIFA WC 2022Saam TV

FIFA World Cup 2022:  फिफा विश्वचषक 2022 यजमान कतारला स्पर्धेत सलग दुसऱ्यांदा पराभवाला सामोरे जावे लागले आहे. सेनेगलने कतारला ३-१ अशा फरकाने पराभूत केले आहे.

सेनेगलने संपूर्ण सामन्यात आपले वर्चस्व कायम ठेवलं आणि कतारला फार कमी संधी मिळाल्या. सलग दुसऱ्या पराभवामुळे यजमान देशाचे पुढील फेरीत जाण्याचे स्वप्नही भंगले आहे. (Football)

FIFA WC 2022
FIFA World Cup 2022 : 'फिफा'मध्ये हायव्होल्टेज 'तडका', अखेरच्या क्षणी २ गोल डागून इराणनं सगळ्यांनाच केलं हैराण

सामन्याच्या सुरुवातीपासूनच सेनेगलने कतारवर दबाव आणण्यास सुरुवात केली आणि पहिल्या 10 मिनिटांत 2-3 उत्कृष्ट अटॅक केले. पहिल्या अर्ध्या तासाच्या खेळावर नजर टाकली, तर निश्चितपणे सेनेगलचा संघ अधिक वरचढ होता.

सेनेगलने कतारला अटॅक करण्याच्या फार कमी संधी दिल्या. 41व्या मिनिटाला पहिला गोल करत सेनेगलने सामन्यात आघाडी घेतली. बुलाये डियाने बॉल गोलपोस्टमध्ये टाकला. फर्स्ट हाफमध्ये कतारचा संघ सतत संघर्ष करताना दिसला.

FIFA WC 2022
FIFA World Cup 2022 : रिकार्लिसनच्या रिव्हर्स गोलची जगभर चर्चा; फुटबॉल समजत नसेल तरी VIDEO पाहून तोंडून वाह निघेल

सेकंड हाफमध्येही सुरुवातीलाच सेनेगलने आणखी एक गोल करत कतारच्या अडचणी वाढवल्या. तिसर्‍याच मिनिटाला कॉर्नरवर हेडरद्वारे फमारा दिध्यूने अप्रतिम गोल करून सेनेगलची आघाडी 2-0 अशी केली. कतारने सुमारे 15 मिनिटांनंतर दोन उत्तम संधी निर्माण केल्या, परंतु दोन्ही वेळा त्या संधी गमावल्या.

कतारने 78व्या मिनिटाला गोल नोंदवून सामना रोमांचक केला. इस्माईल मोहम्मदच्या क्रॉसवर मोहम्मद मुंतारीने शानदार हेडरद्वारे कतारसाठी हा गोल केला. त्यानंतर पाच मिनिटांनी सेनेगलने उत्तम चाल केली आणि बँबा डिएंगने शानदार फटकेबाजी करत सेनेगलला 3-1 अशी विजयी आघाडी मिळवून दिली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com