प्रसिद्ध स्पॅनिश फुटबॉल क्लब रिअल माद्रिद संघातील ४ युवा खेळाडूंना अटक करण्यात आली आहे. या खेळाडूंनी अल्पवयीन मुलीचा नको त्या अवस्थेतील व्हिडिओ व्हॉट्सअॅप ग्रुपमध्ये शेअर केल्याप्रकरणी ही कारवाई करण्यात आली आहे.
तसेच हे व्हिडिओ आणखी शेअर होऊ नये म्हणून पोलिसांनी या चारही खेळाडूंचे मोबाईल जप्त केले आहेत.
हा व्हिडिओ १६ वर्षीय अल्पवयीन मुलीचा असल्याची माहिती समोर आली आहे. तिच्या आईने पोलिसात तक्रार दाखल केल्यानंतर पोलिसांनी शोध घ्यायला सुरूवात केली. त्यानंतर हा धक्कादायक प्रकार समोर आला आहे. गुरूवारी या खेळाडूंचा सराव सुरू असतानाच पोलिसांनी त्यांना अटक केली आहे.
हा धक्कादायक प्रकार समोर आल्यानंतर क्लबनेही घटनेची दखल घेतली आहे. चौकशी पूर्ण झाल्यानंतर योग्य ती कारवाई केली जाईल, असं क्लबने सांगितले आहे. या ४ खेळाडूंपैकी ३ खेळाडू हे क संघातील तर १ खेळाडू हा ब संघातील असल्याची माहिती समोर आली आहे. (Latest sports updates)
व्हिडिओ बनवला जातोय माहितच नव्हतं..
ब्रिटीश माध्यमांनी एका अधिकाऱ्याच्या हवाल्याने सांगितले की, ' खेळाडूंना व्हिडिओ व्हायरल केल्याच्या संशयावरून अटक करण्यात आली होती. पोलिसांनी अल्पवयीन मुलीची देखील विचारपूस केली.
त्यावेळी तिने सांगितलं की, तित्या संमतीने लैंगिक संबध ठेवण्यात आले होते. मात्र आपला व्हिडिओ रेकॉर्ड केला जातोय याबाबत तिला कुठलीही कल्पना नव्हती. तिचे हे व्हिडिओ व्हॉट्सअॅपद्वारे ग्रुपमध्ये शेअर करण्यात आले आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
