विराट कोहली अन् धोनीचं नाव घेणं आधी बंद करा; गौतम गंभीर इतका का भडकला?...

विराट कोहली, महेंद्रसिंग धोनी आणि कपिल देव यांची नावं घेत गौतम गंभीरनं रोखठोक मते मांडली.
Gautam Gambhir On Virat Kohli and MS Dhoni Cricket Update
Gautam Gambhir On Virat Kohli and MS Dhoni Cricket UpdateSAAM TV

Gautam Gambhir On Virat Kohli and MS Dhoni | मुंबई: भारताचा माजी क्रिकेटपटू आणि सध्या समालोचकाच्या भूमिकेत असलेला गौतम गंभीर हल्ली टीम इंडिया, खेळाडू यांच्याबाबत स्पष्ट आणि रोखठोक मते व्यक्त करतो. आता पुन्हा एका वक्तव्याने गौतम गंभीर चर्चेत आला आहे. भारतीय क्रिकेटनं एका क्रिकेटपटूची पूजा करणं बंद करावं. आपल्याला कपिल देव, विराट कोहली, महेंद्रसिंग धोनी यांसारखी नावं मागे टाकून आता टीम इंडियावर चर्चा करायला हवी, असं तो म्हणाला.

गौतम गंभीर (Gautam Gambhir) हा आपल्या रोखठोक मतांसाठी प्रसिद्ध आहे. एखाद्या दिग्गज खेळाडूविषयी बोलायचं म्हटलं तरी तो जरा सुद्धा कचरत नाही. गौतम गंभीरनं आता पुन्हा असंच बिनधास्त विधान केलं आहे. त्यामुळे त्याची सध्या चर्चा होत आहे. माध्यमांनीही फक्त एका खेळाडूवर नव्हे तर, संघातील इतर खेळाडूंकडेही लक्ष द्यावे, असा सल्ला गंभीरने दिला आहे. आपल्याला कुणा एका खेळाडूला मोठं करण्याऐवजी संपूर्ण टीम मोठी करण्यावर लक्ष दिलं पाहिजे, असंही तो म्हणाला.

Gautam Gambhir On Virat Kohli and MS Dhoni Cricket Update
Team India Jersey : टीम इंडिया टी20 विश्वचषकात दिसणार नव्या अवतारात; जर्सीचा लूक आला समोर

गौतम गंभीर म्हणाला की, 'ज्या दिवशी विराट कोहलीनं (Virat Kohli) ७१ वे शतक ठोकले, त्याच सामन्यात भुवनेश्वर कुमारने पाच विकेट घेतल्या होत्या. मात्र, सर्वजण विराट कोहलीबद्दल बोलत होते. कुणीही भुवनेश्वरच्या बाबतीत बोललं नाही. ही दुर्दैवी गोष्ट आहे.'

मी एकटा असा होतो की, समालोचन करताना सातत्याने भुवनेश्वर कुमारच्या बाबतीत बोलत होतो. भुवनेश्वरने चार षटकांमध्ये पाच विकेट घेतल्या होत्या. याबाबत कुणाला काही माहीत असावं असं मला तरी वाटलं नाही, असंही गौतम गंभीर म्हणाला.

Gautam Gambhir On Virat Kohli and MS Dhoni Cricket Update
टी-२० विश्वचषकात ओपनिंग कोण करणार? कर्णधार रोहित शर्मा स्पष्टच बोलला

एका वृत्तसंस्थेला दिलेल्या मुलाखतीत गौतम गंभीर म्हणाला की, विराट कोहलीनं शतक ठोकलं तर, संपूर्ण देश जल्लोष करत होता. भारताला आता एका हिरोच्या संस्कृतीतून बाहेर पडायला हवं. मग क्रिकेट असो की राजकारण. आपल्याला केवळ आणि केवळ भारतीय क्रिकेटचे गुणगान गायला हवेत, असंही तो म्हणाला.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com