MI vs GT Qualifier 2: हार्दिकने करून दाखवलं! गुजरात सलग दुसऱ्यांदा IPL फायनलमध्ये; मुंबईचा मोठा पराभव

IPL 2023 GT vs MI qualifier 2 : या पराभवासोबतच पाचवेळची चॅम्पियन मुंबई इंडियन्सचं सहाव्यांदा आयपीएलची ट्रॉफी उंचवण्याचं स्वप्न भंगलं आहे.
Gujarat Titans entered IPL 2023 final
Gujarat Titans entered IPL 2023 final saam tv

Gujarat Titans vs Mumbai Indians Qualifier 2 : शुभमन गिलच्या वादळी शतकी खेळीच्या जोरावर गतविजेता गुजरात टायटन्सने क्वालिफायर-2 सामन्यात मुंबईचा 62 धावांनी पराभव करत धडाक्यात फायनलमध्ये एंट्री केली आहे. या पराभवासोबतच पाचवेळची चॅम्पियन मुंबई इंडियन्सचं सहाव्यांदा आयपीएलची ट्रॉफी उंचवण्याचं स्वप्न भंगलं आहे.

अहमदाबादच्या नरेंद्र मोदी स्टेडियमवर खेळवला गेलेल्या या सामन्यात टॉस जिंकून रोहित शर्माने प्रथम गोलंदाजी करण्याचा धक्कादायक निर्णय घेतला आहे. यानंतर प्रथम फलंदाजीसाठी उतरलेल्या गुजरातने शुभमन गिलच्या वादळी खेळीच्या जोरावर निर्धारित 20 षटकात 233 धावांपर्यंत मजल मारली. शुभमन गिलने अवघ्या 49 चेंडूत या हंगामातलं तिसरं शतक ठोकलं.

प्रथम फलंदाजीसाठी करताना गुजरातच्या रिद्धिमान साहा आणि शुभमन गिल यांनी पावर प्लेमध्ये संयमी खेळी केल्यानंतर जोरदार फटकेबाजी करत संघाला चांगली सुरुवात करून दिली. त्यानंतर रिद्धिमान साहा बाद झाला. पण शुभमन गिलने साई सुदर्शनसोबत मिळून स्कोअरबोर्ड धावता ठेवला. शुभमन गिलने 60 चेंडूत 129 धावांची वादळी खेळी केली.

Gujarat Titans entered IPL 2023 final
Shubman Gill Century: शुभमनला नमन! मधवालला 'आकाश' दाखवत ठोकलं खणखणीत शतक; या विक्रमांची झाली नोंद

शुभमन गिलच्या या खेळीच्या जोरावर गुजरातने निर्धारित 20 षटकात 3 बाद 233 धावांचा डोंगर उभारला. गिलशिवाय रिद्धिमान साहाने 18, साई सुरर्शन 43, हार्दिक पांड्या 28 आणि राशिद खानने 5 धावा केल्या. मुंबईकडून आकाश मढवालने 1 आणि पियुष चावलाने 1 विकेट घेतली.

गुजरातने दिलेल्या 234 धावांच्या लक्ष्याचा पाठलाग करताना मुंबईला सुरुवातीला दोन मोठे धक्के बसले. इशान किशन दुखापतग्रस्त झाल्याने रोहितसोबत नेहाल वढेरा सलामीसाठी आला होता. परंतु पहिल्याच षटकात तो शमीचा बळी ठरला. त्यानंतर रोहित शर्मा देखील मोठी खेळी करू शकला नाही. मात्र त्यानंतर आलेल्या कॅमरून ग्रीन आणि तिलक वर्मा यांनी मुंबईच्या विजयाच्या आशा जिवंत ठेवल्या आणि वेगाने धावसंख्या उभारली. परंतू जोशवा लिटलच्या चेंडूवर ग्रीन 30 धावा करून बाद झाला. (Shubman Gill Century)

त्यानंतर सुर्यकुमार यादवने तिलक वर्मासोबत मिळून वेगवान खेली सुरु ठेवली. तिलक वर्माने धडाकेबाज खेळी करत 14 चेंडूत 43 धावा ठोकल्या. परंतु राशीद खानच्या चेंडूवर तो बाद झाला. त्यानंतर सूर्यकुमार यादववर संघाची धुरा होती. सूर्यकुमारने मुंबईचा धावफलक हालता ठेवला. परंतु मोहित शर्माच्या चेंडूवर तो 38 चेंडूत 61 धावा करून बाद झाला. यानंतर मुंबईच्या कोणत्याच फलंदाजाला फार वेळ मैदानावर तग धरता आला नाही. अखेर मुंबईला 62 धावांनी पराभव स्विकारावा लागला. (Sports News)

Gujarat Titans entered IPL 2023 final
Shubman Gill Success Story : मुंबईची धुलाई करणाऱ्या शुभमन गिलच्या धासू टायमिंगमागची 'बाप' गोष्ट

शुभमन गिलचे तिसरे शतक

या शुभमन गिलने तुफान फटकेबाजी करत आयपीएल कारकिर्दीतील तिसरे शतक झळकावले. या स्पर्धेत त्याने ३ शतके झळकावली आहे. यासह आयपीएल स्पर्धेच्या एकाच हंगामात सर्वाधिक शतके झळकावणारा तो तिसरा फलंदाज ठरला आहे. आयपीएल स्पर्धेच्या एकाच हंगामात सर्वाधिक शतके झळकावण्याचा विक्रम हा विराट कोहली आणि जोस बटलरच्या नावे आहे. विराट कोहली आणि जोस बटलर यांनी प्रत्येकी ४-४ शतके झळकावली आहेत. आता शुभमन गिलने ३ शतके झळकावली आहेत. (Latest sports updates)

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com