MI-W VS DC-W FINAL 2023: आज मुंबई इंडियन्स आणि दिल्ली कॅपिटल्स या दोन्ही संघांमध्ये विमेन्स प्रीमिअर लीग २०२३ स्पर्धेतील अंतिम सामना पार पडणार आहे.
हा सामना आज संध्याकाळी ७:३० वाजता मुंबईच्या ब्रेबॉर्न स्टेडियमवर पार पडणार आहे. दरम्यान या सामन्यात दिल्ली कॅपिटल्स संघाला इतिहास रचण्याची तर मुंबई इंडियन्स संघाची कर्णधार हरमनप्रीत कौरला चेन्नई सुपर किंग्ज संघाचा कर्णधार एमएस धोनीच्या विक्रमाची बरोबरी करण्याची संधी असणार आहे.
मेग लेनिंगला दिल्ली कॅपिटल्स संघाचे नेतृत्व करण्याची जबाबदारी दिली गेली होती. ही जबाबदारी तिने योग्यरीत्या पार पाडली आहे. दिल्लीचा संघ ८ पैकी ६ समाने जिंकून गुणतालिकेत अव्वल स्थानी आहे.
जर या संघाने आज जेतेपदाला गवसणी घातली. मेग लेनिंग ही दिल्ली कॅपिटल्स संघाला जेतेपद जिंकून देणारी पहिलीच कर्णधार ठरणार आहे. (Latest sports updates)
कारण यापूर्वी आयपीएल स्पर्धेत देखील दिल्ली कॅपिटल्स संघाला जेतेपद मिळवता आले नाहीये.
हरमनप्रीत कौरच्या नेतृत्वाखाली खेळणारा मुंबई इंडियन्स संघ हा अंतिम फेरीत प्रवेश करणारा दुसरा संघ ठरला आहे. मुंबईला अंतिम फेरीत पोहचवण्यात कर्णधार हरमनप्रीत कौरने मोलाची भूमिका बजावली आहे.
तिला अंतिम सामन्यात एमएस धोनीच्या विक्रमाची बरोबरी करण्याची संधी असणार आहे. आयपीएल स्पर्धेत एमएस धोनी हा जेतेपद मिळवणारा पहिला भारतीय कर्णधार होता.
आता हरमनप्रीत कौरकडे विमेन्स प्रीमियर लीग स्पर्धेचे जेतेपद मिळवणारी पहिली भारतीय महिला कर्णधार बनण्याची संधी असणार आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.