Cricket News: इंग्लंड संघातील फलंदाज हॅरी ब्रुक सध्या आपल्या आक्रमक खेळीने सर्वांचेच लक्ष वेधून घेत आहे. नुकताच न्यूझीलंड संघाविरुध्द सुरु असलेल्या कसोटी मालिकेतही त्याच्या फलंदाजीचा बोलबाला पाहायला मिळाला आहे. या मालिकेतील दुसऱ्या कसोटी सामन्यात जोरदार शतक झळकावताच त्याच्या नावे एका मोठ्या विक्रमाची नोंद झाली आहे. (Latest Sports Updates)
हॅरी ब्रुकने गेल्या ९ इनिंगमध्ये चौथे शतक झळकावले आहे. यासह त्याने माजी भारतीय फलंदाज विनोद कांबळीचा मोठा विक्रम मोडून काढला आहे. तो कसोटी क्रिकेटधील पहिल्या ९ इनिंगमध्ये सर्वाधिक धावा करणारा फलंदाज ठरला आहे.
यापूर्वी हा विक्रम विनोद कांबळीच्या नावावर होता. कांबळीने सुरुवातीच्या ९ इनिंगमध्ये सर्वाधिक धावा केल्या होत्या. त्याने दोन दुहेरी शतक आणि दोन शतकांसह ७९८ धावा केल्या होत्या. हॅरी ब्रुकने आतापर्यंत ८०७ धावा केल्या आहेत. तर तो अजूनही फलंदाजी करत आहे. त्यामुळे हा आकडा आणखी वाढू शकतो.
कसोटी क्रिकेटमधील पहिल्या ९ इनिंगमध्ये सर्वाधिक धावा करणारे फलंदाज..
हॅरी ब्रुक: ८०७ धावा
विनोद कांबळी - ७९८ धावा
हर्बर्ट सटक्लिफ - ७८० धावा
सुनील गावसकर -७७८ धावा
एवर्टन विक्स -७७७ धावा
जॉर्ज हेडली - ७०३ धावा
फ्रॅन्क वाॅरैल -६९५ धावा
सुनील गावसकरांचा विक्रम मोडण्यावर असेल नजर..
आता हॅरी ब्रुक सुनील गावसकरांचा विक्रम मोडण्याच्या प्रयत्नात असणार आहे. सुरुवातीच्या ६ कसोटी सामन्यांमध्ये सर्वाधिक धावा करण्याचा विक्रम हा सुनील गावसकरांच्या नावे आहे. सुनील गावसकर यांनी ९१२ धावा केल्या होत्या.
तर दिग्गज फलंदाज डॉन ब्रॅडमन यांनी ८६२ धावा केल्या होत्या. आता हॅरी ब्रुककडे या दोन्ही दिग्गजांना मागे सोडत नवा विश्वविक्रम रचण्याची सुवर्णसंधी असणार आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
