असं कुठं असतंय व्हय! ८ धावांवर अख्खा संघ गारद, दुसऱ्या ओव्हरमध्येच खेळ खल्लास!

नेपाळने नाणेफेक जिंकून प्रथम फलंदाजी करण्याचा निर्णय सपशेल चुकीचा ठरला.
असं कुठं असतंय व्हय! ८ धावांवर अख्खा संघ गारद, दुसऱ्या ओव्हरमध्येच खेळ खल्लास!
ICC U19 Womens T20 World Cup Asiasaam tv

मुंबई: क्रिकेट (cricket) हा अनिश्चिततेचा खेळ आहे असं उगाच म्हणत नाहीत. क्रिकेटमध्ये सहा चेंडूंवर सहा उत्तुंग षटकार तडकावण्याची किमयाही केली जाते, तर एका ओव्हरमधील सहा चेंडूंवर सहा विकेट्सही घेण्याची संधी असते. त्यामुळे कधी काय होईल हे सांगता येत नाही. अशीच काहीशी गत नेपाळ (Nepal Team) संघाची झाली. यूएईच्या संघानं अवघ्या ८ धावांवर अख्खा नेपाळचा क्रिकेट संघ गारद केला. इतकेच नाही तर, यूएईने (UAE) हे लक्ष्य अवघ्या सात चेंडूंत पार केले. क्रिकेट विश्वातला हा एक नवा विक्रमच म्हणता येईल.

ICC U19 Womens T20 World Cup Asia
'अर्जुन तेंडुलकरवर जास्त दबाव टाकू नका', टीम इंडियाचे माजी कर्णधार म्हणाले..

टी-२० महिला अंडर-१९ वर्ल्डकप स्पर्धेच्या क्वालीफायर सामन्यात यूएई आणि नेपाळचा संघ आमनेसामने होता. यूएईची गोलंदाज महिका गौर हिने अवघ्या २ धावा देत पाच विकेट घेतल्या. तिच्या गोलंदाजीच्या तिखट माऱ्यासमोर नेपाळचा संघ ढेपाळला. नेपाळने नाणेफेक जिंकून प्रथम फलंदाजीचा निर्णय घेतला होता. मात्र, त्यांचा हा निर्णय सपशेल चुकीचा ठरला. सहा फलंदाज तर शून्यावर बाद झाले. ५० षटकांच्या सामन्यात संपूर्ण संघ हा ८.१ षटकांत गुंडाळला.

ICC U19 Womens T20 World Cup Asia
विराट कोहली आउट ऑफ फॉर्म, टीम इंडियाच्या माजी कर्णधाराचं मोठं विधान

विशेष म्हणजे नेपाळच्या सहा फलंदाजांनी शून्य धावा केल्या. तर स्नेहा महारा हिने सर्वाधिक तीन धावा केल्या. त्यासाठी ती १० चेंडू खेळली. नेपाळचा संघ ८ धावांवर गारद झाल्यानंतर फलंदाजीसाठी उतरलेल्या यूएईच्या सलामीवीरांनी अवघ्या ७ चेंडूंत विजय मिळवला.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com