IND VS AUS 4th test: चौथा कसोटी सामना जिंकून टीम इंडिया इतिहास रचणार! जगातील कुठल्याच संघाला न जमलेला पराक्रम करण्याची संधी

हा सामना भारतीय संघासाठी अतिशय महत्वाचा असणार आहे.

Team india Saam tv

IND VS AUS 4th Test: सध्या भारत विरुध्द ऑस्ट्रेलिया या दोन्ही संघांमध्ये ४ कसोटी सामान्यांच्या मालिकेतील चौथा सामना सुरु आहे. या मालिकेतील पहिल्या २ सामन्यांमध्ये भारतीय संघाने जोरदार विजय मिळवला होता.

तर तिसऱ्या कसोटी सामन्यात ऑस्ट्रेलिया संघाने जोरदार कमबॅक करत ९ गडी राखून विजय मिळवला होता. भारतीय संघ या मालिकेत २-१ ने आघाडीवर आहे. त्यामुळे हा सामना भारतीय संघासाठी अतिशय महत्वाचा असणार आहे. दरम्यान हा सामना जिंकून भारतीय संघाला इतिहास रचण्याची संधी असणार आहे. (Latest sports updates)

IND VS AUS 4th Test: चौथा कसोटी सामना पाहण्यासाठी दोन्ही देशातील पंतप्रधानांची उपस्थिती; नरेंद्र मोदी कॉमेंट्री करण्याची शक्यता

भारतीय संघाने २०१३ पासून मायदेशात खेळताना सलग १५ मालिकांमध्ये विजय मिळवला आहे. जर भारतीय संघाने अहमदाबाद कसोटी सामना जिंकला, तर भारतीय संघ ही मालिका ३-१ ने आपल्या नावे करू शकतो. ही भारतीय संघाने मायदेशात खेळताना जिंकलेली सलग १६ वी मालिका ठरू शकते.

असा कारनामा इतर कुठल्याही संघाला करता आला नाहीये. या यादीत भारतीय संघ अव्वल स्थानी आहे. तर २ वेळेस १० मालिका जिंकणारा ऑस्ट्रेलिया संघ या मालिकेत दुसऱ्या स्थानी आहे.