Ind vs aus 4th test viral video: भारत विरुध्द ऑस्ट्रेलिया या दोन्ही संघांमध्ये ४ कसोटी सामन्यांच्या मालिकेतील अंतिम कसोटी सामना सुरु आहे. या सामन्यात प्रथम फलंदाजी करत असलेल्या ऑस्ट्रेलिया संघाने ४८० धावांचा डोंगर उभारला आहे.
दरम्यान दुसऱ्या डावात भारतीय संघाची फलंदाजी सुरु असताना एक मजेशीर घटना घडली,ज्याचा व्हिडिओ सध्या सोशल मीडियावर व्हायरल होत आहे. (Latest sports updates)
तर झाले असे की , ऑस्ट्रेलिया संघाचा डाव संपुष्ठात आल्यानंतर भारतीय संघातील फलंदाज फलंदाजी करण्यासाठी मैदानात आले होते. भारतीय संघाकडून शुभमन गिल आणि रोहित शर्मा यांनी चांगली सुरुवात केली.
दरम्यान शुभमन गिलने नॅथन लायनच्या चेंडूवर स्टेप आउट होऊन गगन चुंबी षटकार मारला. हा चेंडू साईड स्क्रीनमध्ये जाऊन पडला. त्यावेळी तो चेंडू सापडत नव्हता. अंपायरने नवीन चेंडू देखील मागवला.
मात्र एका अतिउत्साही प्रेक्षकाने थेट साईड स्क्रीनवर उडी मारली आणि आत जाऊन चेंडू शोधून काढला. चेंडू शोधल्यानंतर तो भलताच खुश असल्याचे दिसून आले. हा व्हिडीओ सध्या सोशल मीडियावर जोरदार व्हायरल होत आहे.
नाणेफेक जिंकून प्रथम फलंदाजी करण्यासाठी आलेल्या ऑस्ट्रेलिया संघाला सलामीवीर फलंदाजांनी चांगली सुरुवात करून दिली होती. ऑस्ट्रेलिया संघाकडून उस्मान ख्वाजाने सर्वाधिक १८० धावांची खेळी केली.
तर कॅमरुन ग्रीनने ११४ धावांचे बहुमूल्य योगदान दिले. शेवटी खालच्या फळीतील फलंदाजांनी देखील मोलाचे योगदान दिले. शेवटी टॉड मर्फीने ४१ आणि लायनने ३१ धावांची खेळी केली. या खेळीच्या जोरावर ऑस्ट्रेलिया संघाने ४८० धावांचा डोंगर उभारला आहे. प्रत्युत्तरात भारतीय संघाने ३६ धावा केल्या आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
