IND vs BAN 1st ODI : टीम इंडियाचा हातातोंडाशी आलेला विजय बांगालदेशच्या मेहदी हसन आणि मुस्तफिजूर रहमानने हिरावला. अटीतटीच्या सामन्यात बांगलादेशने भारतावर एका विकेटने मात केली. बांगलादेशला विजयसाठी 40 धावा शिल्लक असताना 9 खेळाडू पॅव्हेलियनमध्ये परतले होते. मात्र तेथूनही मेहदी हसन आणि मुस्तफिजूरने विजय खेचून आणला.
पहिली फलंदाजी करताना भारतीय संघाने अवघ्या 186 धावा केल्या. मात्र यानंतरही भारतीय गोलंदाजांनी चमकदार कामगिरी केली. मात्र बांगलादेशी खेळाडूंनी टीम इंडियाला विजयापासून दूरच ठेवलं. तीन सामन्यांच्या एकदिवसीय मालिकेत बांगलादेशने 1-0 अशी आघाडी मिळवली आहे. (Sports News)
टॉस हरल्यानंतर प्रथम फलंदाजी करताना भारतीय संघ 41.2 षटकात 186 धावांवर गारद झाला. केएल राहुलने सर्वाधिक 73 धावा केल्या. प्रत्युत्तरात एकेकाळी टीम इंडिया मजबूत स्थितीत होती. त्याने बांगलादेशचे 136 धावांवर नऊ गडी बाद केले होते.
मात्र, यानंतर भारतीय संघाने मैदानावर मोठ्या चुका केल्या आणि सामना हातातून निसटलला. बांगलादेशच्या विजयाचा हिरो ठरलेल्या मेहदी हसन मिराजचा केएल राहुलने सोपा कॅच सोडला. याचा फायदा घेत मिराज आणि मुस्तफिझूर रहमान यांनी 10व्या म्हणजेच शेवटच्या विकेटसाठी नाबाद 51 धावांची भागीदारी केली.
मिराजने आपल्या संघाला एकतर्फी विजय मिळवून दिला. तो 39 चेंडूत 38 धावा करून नाबाद राहिला. त्याचवेळी मुस्तफिझूर नऊ धावा करून नाबाद राहिला. या विजयासह बांगलादेशने मालिकेत 1-0 अशी आघाडी घेतली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
