India vs New Zealand : तिसऱ्या टी २० सामन्याआधी न्यूझीलंडला मोठा धक्का; मॅचविनर खेळाडू संघाबाहेर

भारताविरुद्धच्या मालिकेतील तिसऱ्या आणि शेवटच्या टी-२० सामन्यापूर्वी न्यूझीलंड क्रिकेट संघाला मोठा झटका बसला आहे.
India vs New Zealand
India vs New Zealand Saam TV

India vs New Zealand : भारताविरुद्धच्या मालिकेतील तिसऱ्या आणि शेवटच्या टी-२० सामन्यापूर्वी न्यूझीलंड क्रिकेट संघाला मोठा झटका बसला आहे. संघाचा नियमित कर्णधार केन विल्यमसन नेपियरमध्ये खेळल्या जाणार्‍या महत्त्वाच्या सामन्यापूर्वी बाहेर पडला आहे. यजमान किवी संघ मालिकेत ० - १ ने पिछाडीवर आहे. अशा परिस्थितीत या सामन्यापूर्वी कर्णधार केन विल्यमसन बाहेर गेल्याने न्यूझीलंडला मोठा झटका बसला आहे. (India vs New Zealand 3rd T20 Latest News)

India vs New Zealand
IND vs NZ T20 Match : टीम इंडियानं करून दाखवलं; न्यूझीलंडवर ६५ धावांनी मात, मालिकेतही विजयी आघाडी

न्यूझीलंड क्रिकेटने सोशल मीडियाच्या अधिकृत ट्विटर हँडलवर ही माहिती दिली. पूर्व नियोजित वैद्यकीय भेटीमुळे केन विल्यमसन नेपियर मधील तिसऱ्या सामन्यांत खेळू शकणार नाही. भारत (Team India) आणि न्यूझीलंड यांच्यातील तिसरा टी-२० सामना मंगळवारी २२ नोव्हेंबर) नेपियर येथील मॅक्लीन पार्क येथे खेळवला जाईल.

या सामन्यांत केन विल्यमसनच्या जागी फलंदाज मार्क चॅपमन न्यूझीलंड संघात सामील होणार आहे. या सामन्यात टीम साऊदी कर्णधार असेल. टी २० विश्वचषकात (T20 World Cup) मिळालेला पराभव पचवत टीम इंडिया सध्या न्यूझीलंडच्या दौऱ्यावर आहे. कर्णधार हार्दिक पांड्याच्या नेतृत्वाखाली भारतीय संघ सध्या येथे टी २० सीरीज खेळत आहे.

तसं पाहता भारतीय संघाची सुरूवात या स्पर्धेत अतिशय दमदार झाली. मालिकेतील पहिला सामना पावसामुळे रद्द झाल्यानंतर दुसऱ्या सामन्यांत भारताने न्यूझीलंडचा दारूण पराभव केला. या विजयासह भारताने तीन टी २० सामन्याच्या मालिकेत १-० ने आघाडी घेतली. दुसऱ्या टी २० सामन्यांत टीम इंडियाने प्रथम फलंदाजी करताना, न्यूझीलंडसमोर १९२ धावांचे आव्हान उभे केले होते.

या आव्हानाचा पाठलाग करताना न्यूझीलंडचा संघ केवळ १२६ धावांवरच ढेपाळला. भारताकडून सूर्यकुमार यादवने शतकी खेळी केली. तर दीपक हुड्डाने भेदक मारा करत ४ बळी टिपले. न्यूझीलंडकडून कॅप्टन केन विलयम्सन एकटा लढला त्याने ५२चेंडूत ६१ धावा केल्या. यात ४ चौकार आणि २ षटकारांचा समावेश होता. त्याच्या व्यतिरिक्त न्यूझीलंडचा एकही फलंदाज चमकदार खेळ दाखवू शकला नाही.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com