Ind vs NZ ODI Series: भारत आणि न्यूझीलंड यांच्यातील दुसरा एकदिवसीय सामना नुकताच पार पडला. या सामन्यात भारतीय संघाने न्यूझीलंडचा दणदणीत पराभव करत एकतर्फी विजय मिळवला. या विजयासोबतच भारतीय संघाने तीन एकदिवसीय सामन्यांची ही मालिकाही खिशात घातली आहे.
विजयानंतर भारतीय खेळाडूंनी चांगलाज जल्लोश केला. यावेळी कोच राहुल द्रविड यांचा एक व्हिडिओ मात्र सध्या चांगलाच व्हायरल होत आहे. ज्यामध्ये ते चित्र विचित्र हातवारे करताना दिसत आहेत.
याबाबत अधिक माहिती अशी की, भारतीय संघाने न्यूझीलंडवर दुसऱ्या वनडे सामन्यात दणदणीत विजय मिळवला. सामना संपल्यानंतर राहुल द्रविड चालत मैदानावर येत होता. कॅमेऱ्याची नजर फक्त त्याच्यावरच होती. द्रविड मैदानावर येताना काही विचित्र हावभाव करत होता. जसे निन्जा किंवा मार्शल आर्ट्स खेळाडू करतात. (Rahul Dravid)
द्रविडला पाहून त्याला काय करायचे, किंवा काय सांगायचे आहे, हे कोणालाच समजले नाही. त्यावेळी हर्षा भोगले समालोचन करत होता. 'आम्हाला या हावभावांचा अर्थ कोणी समजावून सांगेल का?' असे म्हणत त्यानेही कोच राहुल द्रविड यांच्या या हावभावावर मजेशीर प्रतिक्रिया दिली. सध्या राहुल द्रविड यांचा हा व्हिडिओ सोशल मीडियावर चांगलाच व्हायरल होत असून त्यावर नेटकऱ्यांनीही जोरदार प्रतिक्रिया दिल्या आहेत.
दरम्यान, न्यूझीलंडविरुद्धच्या या दुसऱ्या सामन्यात भारतीय गोलंदाजांची कमाल पाहायला मिळाली. त्यामुळेच न्यूझीलंडचा संघ १०८ धावांत तंबूत परतला. या सामन्यात भारतीय संघाने ८ गडी राखून दणदणीत विजय मिळवला. मायदेशात भारतीय संघाचा (Team India) हा सलग सातवा मालिका विजय ठरला.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
