IND vs NZ T20 : पहिल्या टी-20 सामन्याआधी टीम इंडियाला मोठा धक्का; सलामीवीर फलंदाजच मालिकेबाहेर!

टीम इंडियाचं टेन्शन वाढवणारी बातमी समोर आली आहे.
Ind vs Nz T20 Series
Ind vs Nz T20 SeriesSaam TV

मुंबई : वनडे सामन्याच्या मालिकेत न्यूझीलंडचा 3-0 असा धुव्वा उडवल्यानंतर आता टीम इंडिया टी-20 मालिकेसाठी सज्ज झाली आहे. हार्दिक पांड्याच्या नेतृत्वाखाली भारतीय संघ न्यूझीलंडविरोधात 3 टी-20 सामने खेळणार आहे. मात्र, त्याआधीच टीम इंडियाचं टेन्शन वाढवणारी बातमी समोर आली आहे. कारण, विस्फोटक सलामीवीर फलंदाज टी-20 मालिकेतून बाहेर झाला आहे.  (Latest Marathi News)

Ind vs Nz T20 Series
Mohmmed Siraj: ICC ODI रॅंकिंगमध्ये सिराज 'राज'; दिग्गजांना धोबीपछाड देत पहिल्या स्थानावर विराजमान

वनडे सीरीजनंतर टीम इंडियाला (Team India) न्यूझीलंड विरुद्ध टी-20 सीरीज खेळायची आहे. हार्दिक पंड्या या सीरीजमध्ये टीम इंडियाच नेतृत्व करणार आहे. पण सीरीज सुरू होण्याआधीच युवा सलामीवीर फलंदाज ऋतुराज गायकवाड हा जखमी झाला आहे. त्यामुळे कर्णधार हार्दिक पांड्याचं टेन्शन वाढलं आहे.

न्यूझीलंडविरोधातील टी-20 मालिकेत ऋतुराज गायकवाड हा टीम इंडियाचा भाग आहे. मात्र, तो अजूनही पूर्णपणे फिट झालेला नाही. एका क्रिडा (Sport News) वाहिनीने दिलेल्या वृत्तानुसार, ऋतुराज गायकवाडच्या मनगटाला दुखापत झाली आहे. त्यामुळे त्याला नॅशनल क्रिकेट अकादमीत पाठवण्यात आलं आहे.

पृथ्वी शॉला मिळणार संधी?

न्यूझीलंड विरुद्ध तीन टी-20 सामन्यांच्या मालिकेला येत्या 27 जानेवारीपासून सुरूवात होणार आहे. मात्र, त्याआधीच ऋतुराज गायकवाड अनफिट झाल्याने पृथ्वी शॉसाठी सलामीला येण्याचे दरवाजे उघडले आहेत. (India vs New Zealand)

Ind vs Nz T20 Series
Shubhman GIll Record : गिलची १ धाव कमी पडली अन् बाबरचा रेकॉर्ड तुटता तुटता राहिला, तरीही केली बरोबरी

मागील काही दिवसांपासून पृथ्वी शॉ आंतरराष्ट्रीय क्रिकेटपासून दूर होता. मात्र, रणजी चषकात केलेल्या धमाकेदार कामगिरीमुळे त्याला टीम इंडियात स्थान मिळाले आहे. पृथ्वी शॉ याआधी 2021 मध्ये श्रीलंका (Srilanka) दौऱ्यावर टीम इंडियाकडून शेवटचा सामना खेळला होता.

टी-20 मालिकेसाठी भारतीय संघ

हार्दिक पंड्या (कर्णधार), सूर्यकुमार यादव (उपकर्णधार), ईशान किशन (विकेटकीपर), शुभमन गिल, ऋतुराज गायकवाड़ (मालिकेतून बाहेर), दीपक हुड्डा, राहुल त्रिपाठी, जितेश शर्मा (विकेटकीपर), वाशिंगटन सुंदर, कुलदीप यादव, युजवेंद्र चहल, अर्शदीप सिंह, उमरान मलिक, शिवम मावी, पृथ्वी शॉ, मुकेश कुमार.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
logo
Saam TV | साम टीव्ही
www.saamtv.com