IND vs SL, Asia Cup Final: बुमराह आणि सिराजने केलं लंका दहन; टीम इंडियासमोर अवघं ५१ धावांचं आव्हान

IND vs SL,Asia Cup LIVE 2023: या सामन्यात भारतीय गोलंदाजांचा बोलबोला पाहायला मिळाला आहे.
IND vs SL, Asia Cup Final
IND vs SL, Asia Cup Finaltwitter

IND vs SL,Asia Cup LIVE 2023:

भारत विरद्ध श्रीलंका या दोन्ही संघांमध्ये आशिया चषकातील अंतिम सामना सुरू आहे. कोलंबोच्या मैदानावर सुरू असलेल्या या सामन्यात श्रीलंकेने नाणेफेक जिंकून प्रथम फलंदाजी करण्याचा निर्णय घेतला आहे.

तर भारतीय संघ गोलंदाजी करण्यासाठी उतरला आहे. दरम्यान भारतीय संघाकडून गोलंदाजी करताना वेगवान गोलंदाज मोहम्मद सिराज आणि जसप्रीत बुमराहने भारतीय संघाकडून दमदार कामगिरी केली आहे.

या दमदार गोलंदाजीच्या बळावर श्रीलंकेचा डाव अवघ्या ५० धावांवर संपुष्टात आला आहे. हा सामना जिंकण्यासाठी भारतीय संघाला ५१ धावांची गरज आहे. (Latest Marathi News)

IND vs SL, Asia Cup Final
Mohammed Siraj Wicket: मान गये मियाँ! सिराजने एकाच षटकात घेतल्या ४ विकेट्स; VIDEO पाहायलाच हवा

श्रीलंकेने दिलं ५१ धावांचं आव्हान..

या सामन्यात प्रथम फलंदाजी करत असलेला श्रीलंकेचा संघ अवघ्या ५० धावांवर ऑल आउट झाला. श्रीलंकेकडून कुसल मेंडिसने सर्वाधिक १७ धावांची खेळी केली. तर दूशन हेमंताने नाबाद १३ धावा केल्या.

भारतीय संघाकडून गोलंदाजी करताना मोहम्मद सिराजने अवघ्या २१ धावा खर्च करत सर्वाधिक ६ गडी बाद केले. तर हार्दिक पंड्याने ३ धावा खर्च करत ३ गडी बाद केले. तसेच संघातील अनुभवी गोलंदाज जसप्रीत बुमराहने १ गडी बाद केला.

भारताचा एकतर्फी विजय..

भारतीय संघाला हा सामना जिंकण्यासाठी केवळ ५१ धावांची गरज होती. या धावांचा पाठलाग करण्यासाठी भारतीय संघाकडून ईशान किशन आणि शुबमन गिलची जोडी मैदानावर आली होती.

डावाची सुरुवात करताना दोघांनी अर्धशतकी भागीदारी करत भारतीय संघाला विजय मिळवून दिला. या डावात ईशान किशनने नाबाद २३ तर शुबमन गिलने नाबाद २७ धावांची खेळी केली

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com