Axar Patel : अक्षर पटेलची धमाकेदार इनिंग; महेंद्रसिंग धोनीचा १७ वर्षे जुना रेकॉर्ड मोडला (व्हिडिओ बघा)

अक्षर पटेलने विंडीज विरुद्धच्या दुसऱ्या वनडेत धमाकेदार खेळी केली. त्या जोरावर भारतानं विजय मिळवला. या खेळीसह पटेलने महेंद्रसिंग धोनीचा रेकॉर्डही मोडला.
Axar Patel Record
Axar Patel Record SAAM TV

मुंबई: वेस्ट इंडीजनं प्रथम फलंदाजी करताना भारतासमोर ३१२ धावांचं आव्हान ठेवलं होतं. हे कठीण आव्हान घेऊन मैदानात उतरलेल्या भारतीय संघाचे एकेक फलंदाज तंबूत परतले. मात्र, अक्षर पटेलने तुफानी फलंदाजी करत अखेरच्या षटकात भारताला विजय मिळवून दिला. टीम इंडियानं (Team India) या विजयासह मालिकेत २-० ने विजयी आघाडी घेतली. ऑलराउंडर अक्षर पटेल याच्या विध्वंसक अशा या इनिंगमुळे महेंद्रसिंग धोनीचा १७ वर्षे जुना रेकॉर्डही मोडीत निघाला. (India vs West Indies 2nd ODI Match Update News)

Axar Patel Record
IND vs WI : धोनीसारखाच षटकार ठोकत अक्षरनं सामना जिंकवला; भारताचा वेस्ट इंडिजवर थरारक विजय

टीम इंडियाने वेस्ट इंडीजला (India Vs West Indies) दुसऱ्या वनडे सामन्यात २ विकेट राखून पराभूत केलं. या विजयासह भारताने या मालिकेत वेस्ट इंडीजवर २-० अशी विजयी आघाडी घेतली. अखेरच्या ओव्हरपर्यंत रंगलेल्या या सामन्यात सुंदर फटकेबाजी बघायला मिळाली. टीम इंडियाचा ऑलराउंडर अक्षर पटेल (Axar Patel) याने विस्फोटक अशी फलंदाजी केली. भारतानं जवळपास गमावलेला सामना जिंकला.

Axar Patel Record
Good News : क्रिकेटर क्रुणाल पंड्याला पुत्रप्राप्ती! चिमुकल्याचं नाव काय ठेवलं? पाहा

सातव्या क्रमांकावर फलंदाजीसाठी आलेल्या अक्षर पटेलने केवळ ३५ चेंडूंत ६४ धावांची तुफानी खेळी केली. त्यात ३ चौकार आणि ५ षटकार होते. अक्षर पटेलने १८२ च्या स्ट्राइक रेटने या धावा कुटल्या आणि भारताला विजय मिळवून दिला. केवळ ३३ चेंडूंवर अक्षर पटेलने दीपक हुड्डा याच्यासोबत ५१ धावांची भागीदारी केली. त्यामुळे भारताच्या विजयाचा मार्ग सुकर झाला होता.

भारताला विजयासाठी अखेरच्या १० ओव्हरमध्ये १०० धावांची आवश्यकता होती. अक्षर पटेलच्या धमाकेदार फलंदाजीनं ते शक्य झालं. अखेरच्या ओव्हरमध्ये टीम इंडियाला ८ धावांची गरज होती. आधी दोन चेंडूंवर एकेरी धावा घेतल्या. त्यानंतर अक्षर पटेलने षटकार ठोकून विजय मिळवून दिला.

अक्षर पटेलने मोडला धोनीचा रेकॉर्ड

अक्षर पटेलने या तुफानी खेळीमुळे माजी कर्णधार महेंद्रसिंग धोनीचा (MS Dhoni) रेकॉर्ड मोडला. सातव्या क्रमांकावर फलंदाजी यशस्वी पाठलाग करताना, भारताकडून अक्षर पटेल हा कोणत्याही एका डावात सर्वाधिक षटकार लगावणारा फलंदाज ठरला आहे. अक्षर पटेलने या डावात ५ षटकार लगावले होते. त्याआधी महेंद्रसिंग धोनीच्या नावावर हा विक्रम होता. २००५ मध्ये झिम्बाब्वेविरुद्ध धोनीने तीन षटकार लगावले होते. युसूफ पठाणने २०११ मध्ये दक्षिण आफ्रिकाविरुद्ध आणि आयर्लंडविरुद्धही यशस्वी पाठलाग करताना एका डावात तीन षटकार लगावले होते.

अखेरच्या १० षटकांत सर्वोत्तम यशस्वी पाठलाग

टीम इंडियाने अखेरच्या १० षटकांत १०० धावा कुटल्या आणि विजय मिळवला. वनडे क्रिकेटमध्ये आव्हानाचा यशस्वी पाठलाग करताना अखेरच्या १० षटकांत सर्वाधिक धावा करण्याचा विक्रम पाकिस्तानच्या नावावर आहे. बांगलादेशविरुद्ध त्यांनी अखेरच्या दहा षटकांत १०९ धावा केल्या होत्या आणि विजय मिळवला होता. आता या यादीत भारताचंही नाव जोडलं गेलं आहे. भारतानं याआधी २०१५ मध्ये वर्ल्डकपमध्ये झिम्बाब्वेविरुद्ध १० षटकांत ९१ धावा करून विजय मिळवला होता.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com