दीपक चहर अडकणार लग्नबंधनात; भर मैदानात केले होते गर्लफ्रेंडला प्रपोज

दीपक चहरच्या लग्नाची पत्रिका व्हायरल झाली आहे, त्यानुसार दीपक आणि जया भारद्वाज 1 जूनला सात फेरे घेणार आहेत.
Deepak Chahar
Deepak Chahar Saam TV

भारतीय क्रिकेटपटू दीपक चहर (Deepak Chahar) लवकरच लग्नबंधनात अडकणार आहे. त्याच्या लग्नाची तारीख समोर आली आहे, तो त्याची गर्लफ्रेड जया भारद्वाजसोबत लग्नबंधनात अडकणार आहे. त्यांच्या लग्नाची पत्रिका व्हायरल (Jaya Bhardwaj) झाली आहे. दीपक चहरच्या होणाऱ्या बायकोचे नाव जया भारद्वाज आहे. दोघे बराच काळ एकमेकांना डेट करत होते आणि गेल्या वर्षी लाइव्ह मॅचदरम्यान चहरने तिला प्रपोज केले होते. (Deepak Chahar Marriage Date)

Deepak Chahar
शिखर धवनचा 'असा' असेल भविष्यातील प्लॅन, टी-२० फॉर्मेटबाबत म्हणाला....

दीपक चहरच्या लग्नाची पत्रिका व्हायरल झाली आहे, त्यानुसार दीपक आणि जया भारद्वाज 1 जूनला सात फेरे घेणार आहेत. या लग्नाला अनेक क्रिकेटर्स उपस्थित राहू शकतात. एमएस धोनी आणि त्याची पत्नीही या लग्नाला उपस्थित राहू शकतात. दीपक चहरने स्टेडियममधील सर्व कॅमेऱ्यांसमोर आपल्या गर्लफ्रेंडला अंगठी घालून प्रपोज केले होते. दीपकने 7 ऑक्टोबर रोजी झालेल्या पंजाब किंग्ज विरुद्ध 2021 च्या सामन्यात जयाला प्रपोज केले होते. 2021 च्या हंगामात संघ विजयी झाला होता त्यात दिपक चहरच्या गोलंदाजाीचा मोलाचा वाटा होता.

भारतीय क्रिकेटपटू दीपक चहर हा आयपीएल 2022 मध्‍ये सर्वात महाग विकला जाणारा गोलंदाज होता. त्याला त्याच्या आधीच्या फ्रँचायझी चेन्नई सुपर किंग्सने विक्रमी 14 कोटी रुपयांना विकत घेतले होते. दुखापतीमुळे दीपक चहर आयपीएलमध्ये एकही सामना खेळू शकला नाही. सीएसकेला दीपक चहरची उणीव भासली.

Edited By: Pravin Dhamale

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com