Ind vs Aus 4th test WTC Final: ऑस्ट्रेलिया संघाने तिसरा कसोटी सामना जिंकत वर्ल्ड टेस्ट चॅम्पियनशीपच्या अंतिम फेरीत प्रवेश केला आहे.
तर भारत आणि श्रीलंका या दोन्ही संघांमध्ये अंतिम फेरीत जाण्यासाठी चुरस पाहायला मिळत आहे.
भारतीय संघ अंतिम फेरीत प्रवेश करणार करणार की नाही हे काही दिवसात कळून जाईल. दरम्यान भारतीय संघासाठी एक आनंदाची बातमी समोर आली आहे. (Latest sports updates)
सध्या भारत विरुध्द ऑस्ट्रेलिया या दोन्ही संघांमध्ये चौथा कसोटी सामना सुरु आहे. तर दुसरीकडे श्रीलंका आणि न्यूझीलंड संघांमध्ये देखील कसोटी सामना सुरु आहे. या सामन्यावर देखील भारतीय संघाचे लक्ष असणार आहे.
श्रीलंका संघाने जर हा सामना गामालवा तर भारतीय संघ अंतिम फेरीत प्रवेश करणार आहे. श्रीलंका संघ सध्या बॅकफूटवर आहे. त्यामुळे भारतीय संघाचे अंतिम फेरीत प्रवेश करण्याचे दार उघडताना दिसून येत आहे.
श्रीलंका संघाने या सामन्यातील पहिल्या डावात फलंदाजी करताना ३५५ धावा केल्या आहेत. प्रत्युत्तरात न्यूझीलंड संघाचे ५ फलंदाज अवघ्या १५१ धावांवर माघारी परतले होते. ही खेळी पाहता भारतीय क्रिकेट चाहत्यांची चिंता वाढली होती.
मात्र आता भारतीय चाहत्यांना दिलासा मिळाला आहे. कारण न्यूझीलंड संघाने ३७३ धावा केल्या आहेत. आता हा सामना अनिर्णित जरी राहिला तरीदेखील भारतीय संघ अंतिम फेरीसाठी पात्र ठरणार आहे.
ऑस्ट्रेलिया विरुध्द सुरु असलेल्या मालिकेत भारतीय संघ २-१ ने आघाडीवर आहे. तर चौथ्या कसोटी सामन्यताही बरोबरीची लढत सुरु आहे. जर हा सामना भारतीय संघाने जिंकला तर भारतीय संघ थेट अंतिम फेरीत प्रवेश करणार आहे.
मात्र पराभूत झाल्यास श्रीलंका विरुध्द न्यूझीलंड यांच्यातील मालिकेच्या निकालावर अवलंबून राहावे लागणार आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
