Commonwealth Games 2022 : रवी दहियाचा गोल्डन डाव, भारतासाठी आजही 'सूवर्ण' दिवस

राष्ट्रकुल क्रीडा स्पर्धेत सूवर्ण पदकांवर भारताच्या खेळाडूंनी विजयाची मोहोर उमटवली आहे.
Ravi kumar dahiya wins gold in CWG 2022
Ravi kumar dahiya wins gold in CWG 2022saam tv

बर्मिंघम : येथे राष्ट्रकुल क्रीडा स्पर्धा २०२२ मध्ये भारतीय खेळाडूंनी सुवर्ण भरारी घेतली आहे. कांस्य, रौप्य आणि सूवर्ण पदकांवर भारताच्या खेळाडूंनी विजयाची मोहोर उमटवली आहे. कालचा दिवसही भारतासाठी सोन्यासारखा होता. प्रसिद्ध कुस्तीपटू बंजरंग पुनिया आणि साक्षी मलिकने गोल्डन डाव टाकत (Gold Medal) सूवर्ण पदक जिंकले. ही बातमी ताजी असतानाच आता पुन्हा एकदा भारताच्या इतिहासात सोनेरी पानाची भर पडली आहे. कारण भारताचा स्टार कुस्तीपटू रवी कुमार दहियाने (Ravi Kumar Dahiya) पुरुषांच्या ५७ किलो वजनी फ्रीस्टाईल गटात गोल्ड मेडल जिंकले आहे. दहियाने नायजेरियाच्या एबिकेनेनिमो वेल्सनचा १०-० असा पराभव केला. दरम्यान, यावर्षी सुरु असलेल्या (Commonwealth Games 2022 ) राष्ट्रकुल क्रीडा स्पर्धेत भारताचे हे कुस्ती खेळातील चौथे पदक आहे. तर एकूण १० वे सूवर्ण पदक आहे.

राष्ट्रकुल क्रीडा स्पर्धेत रवी कुमार दहिया पहिल्यांदाच मैदानात उतरला आणि पहिल्या स्पर्धेत अंतिम सामन्यात सोनेरी डाव टाकून सूवर्ण पदकाची कमाई केली. रवी दहियाने सामन्याच्या सुरुवातीलाच नायजेरियाच्या कुस्तीपटूवर मैदानी डाव टाकले. पण रवीने गटरेज हा डाव खेळल्यानंतर त्याला पहिला फेरीत ८ गुण मिळवता आले. त्यानंतर रवीने दुसऱ्या फेरीत उरलेले दोन गुण मिळवून सामना १०-० ने जिंकला.

Ravi kumar dahiya wins gold in CWG 2022
Cricket News : क्रिकेट खेळणं तरुणाच्या जीवावर बेतलं, गुप्तांगाला चेंडूचा फटका लागल्याने मृत्यू

राष्ट्रकुल क्रीडा स्पर्धा २०२२ मध्ये भारतीय खेळाडूंनी पदकांची लयलूट केली आहे. भारताचा प्रसिद्ध कुस्तीपटू बजरंग पुनियाचीही (Bajrang Punia) या स्पर्धेत सुवर्ण झळाली पाहायला मिळाली.बंजरंगने काल शुक्रवारी अप्रतिम खेळ करत ६५ किलो वजनी गटात सुवर्ण पदक जिंकण्याची चमकदार कामगिरी केली.तसेच साक्षी मलिकनेही (Sakshi Malik)राष्ट्रकुल क्रीडा स्पर्धेत सुवर्ण पदक जिंकून राष्ट्रकुल पदकांची हॅट्ट्रिक केली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com