रोहितचा एक षटकार आणि गेंड्यांना मिळालं 5 लाखांचं गिफ्ट; पाहा झाले तरी काय?

IPL 2022 : रोहित शर्माने अलझारी जोसेफच्या चेंडूवर षटकार लगावताना प्रायोजकांनी मैदानात ठेवलेल्या टाटा पंच कारची काच फोडली
रोहितचा एक षटकार आणि गेंड्यांना मिळालं 5 लाखांचं गिफ्ट; पाहा झाले तरी काय?
Rohit Sharma Saam Tv

मुंबई : आयपीएल 2022 स्पर्धेत (IPL 2022) शुक्रवारी रोहित शर्माच्या (Rohit Sharma) मुंबई इंडियन्सचा सामना हार्दिक पांड्याच्या (Hardik Pandya) गुजरात टायटन्स संघासोबत झाला. अखेरच्या षटकापर्यंत रंगलेल्या या थरारक सामन्यात मुंबईने गुजरातवर (MI vs GT) 5 धावांनी विजय मिळवला. यंदाच्या आयपीएल हंगामात मुंबई संघाचा हा सलग दुसरा विजय ठरला. मुंबईच्या चाहत्यांसाठी दिलासा देणारी बाब म्हणजे मुंबई इंडियन्सचा कर्णधार रोहित शर्मा यंदाच्या मौसमात पहिल्यांदा फॉर्ममध्ये दिसला. रोहिने सलामीला येताना 28 चेंडूत 43 धावांची खेळी केली. इतकंच नाही तर, रोहितच्या षटकाराने लीगच्या प्रायोजक टाटा पंच कारची काचही फोडली. रोहितचा हाच फटका काझीरंगा राष्ट्रीय उद्यानाला 5 लाख रुपये देऊन गेला.

Rohit Sharma
Archery Asia Cup: महाराष्ट्राचे ५ तिरंदाज साधणार आशिया करंडक स्पर्धेत लक्ष्य

तसं पाहता आतापर्यंत रोहित शर्माची बॅट यंदाच्या आयपीएल हंगामात शांतच होती. रोहितच्या खराब फॉर्मचा फटकाही संघाला सहन करावा लागला. आयपीएलमध्ये पाचवेळा विजेतेपद पटकवणारा मुंबईचा संघ यंदाच्या प्ले-ऑफ शर्यतीतून बाहेर पडला. सुरूवातीचे सलग 8 सामने गमावल्यानंतर राजस्थानविरुद्धच्या सामन्यात मुंबईला विजयाची चव चाखायला मिळाली. त्यानंतर मुंबई संघाने शुक्रवारी गुजरात टायटन्सला पराभूत केले. यंदाच्या हंगामात हा त्यांचा सलग दुसरा विजय ठरला.

या सामन्यांत रोहित शर्माच्या एका फटक्याने चांगले कामही केले. रोहित शर्माने अलझारी जोसेफच्या चेंडूवर षटकार लगावताना प्रायोजकांनी मैदानात ठेवलेल्या टाटा पंच कारची काच फोडली. त्याच्या या फटक्याने 5 लाखांची कमाई झाली. पण, वास्ताविक हे 5 लाख रुपये रोहितला मिळाले नाही. टाटा हे आयपीएलचे अधिकृत प्रायोजक आहेत. टाटांनी अशी घोषणा केली होती की जर एखाद्या फलंदाजाने सीमारेषेबाहेर असलेल्या पंच कारवर चेंडू मारला तर काझीरंगा राष्ट्रीय उद्यानाला (Kaziranga National Park) 5 लाख रुपये टाटांकडून दिले जातील. हे राष्ट्रीय उद्यान एक शिंगी गेंड्यासाठी प्रसिद्ध आहे. रोहितने मारलेला चेंडू टाटा पंच वर जाऊन लागला आणि त्यामुळेच काझीरंगा राष्ट्रीय उद्यानाला 5 लाख रुपये मिळाले

दरम्यान, शुक्रवारी मुंबई इंडियन्स आणि गुजरात टायटन्स यांच्यात झालेल्या सामन्यात गुजरातने प्रथम मुंबईला फलंदाजीला पाचारण केले. मुंबईने गुजरात टायटन्ससमोर 177 धावांचे आव्हान ठेवले. मुंबईकडून इशान किशनने सर्वाधिक 45 धावांची खेळी केली. रोहित शर्माने देखील आक्रमक सुरूवात करत 43 धावांची खेळी केली. तर टीम डेव्हिडने देखील तिलर वर्मासोबत भागीदारी रचत मुंबईला 150 च्या पार पोहचवले. त्याने 21 चेंडूत नाबाद 44 धावांची खेळी केली. यामुळे मुंबईला 177 धावांपर्यंत मजल मारता आली.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.