Gujarat Titans vs Mumbai Indians Qualifier 2 : पाचवेळा चॅम्पियन मुंबई इंडियन्स आणि गतविजेता गुजरात टायटन्स यांच्यात क्वालिफायर-2 चा सामना आज अहमदाबादच्या नरेंद्र मोदी स्टेडियमवर खेळवला जात आहे. या सामन्यात टॉस जिंकून रोहित शर्माने प्रथम गोलंदाजी करण्याचा निर्णय घेतला आहे.
क्वालिफायर-1 मध्ये गुजरातला चेन्नई सुपर किंग्जकडून 15 धावांनी पराभव पत्करावा लागला होता. परंतु आता या सामन्यात विजय मिळवून फायनलमध्ये एंट्री करण्याचा टीम हार्दिकचा प्रयत्न असेल. तर दुसरीकडे मुंबईने एलिमिनेटरमध्ये लखनऊ सुपर जायंट्सचा 81 धावांनी पराभव केला. या विजयामुळे मुंबईच्या खेळाडूंचा आत्मविश्वास चांगलाच उंचावलेला असेल. आयपीएलमध्ये दोन्ही संघ आतापर्यंत तीन वेळा आमनेसामने आले आहेत. गुजरातने एकदा तर मुंबईने दोनदा विजय मिळवला. अशा स्थितीत रोहितच्या पलटणचा वरचष्मा आहे.
गुजरातची मजबूत बाजू कोणती?
गेल्यावर्षीप्रमाणे यावर्षी सुद्धा गुजरात टायटन्सने कमालीची कामगिरी केली. याचं श्रेय त्यांच्या गोलंदाजांना जातं. गुजरातचा अनुभवी गोलंदाज शमीने १५ सामन्यांतच २६ विकेट खिशात टाकल्या आहेत. त्याला राशिद खान, नूर अहमद आणि मोहित शर्माची चांगलीच साथ लाभलेली आहे. दुसरीकडे शुभमन गिल, डेव्हिड मिलर, वृद्धिमान साहा आणि हार्दिक पांड्याने फलंदाजीत चांगले सातत्य दाखवले आहे.
मुंबईविरुद्धची आजची लढत गुजरातचे घरचे मैदान म्हणजेच नरेंद्र मोदी स्टेडियमवर आहे. इथल्या खेळपट्या, आऊटफील्ड याबाबत हार्दिक आणि कंपनीला अधिक ज्ञान आहे. शुभमन गिल, विजय शंकर यांच्यामुळे गुजरातची सुरुवात छान होते. चेन्नईविरुद्ध गिल अपयशी ठरला होता; पण तो अपवाद म्हणावा लागेल, अर्थात तो बाद झाला तर पर्यायी डावपेच गुजरातकडे असायलाच हवेत. (Indian Premier League 2023)
मुंबई इंडियन्सची मजबूत बाजू कोणती?
दुसरीकडे मुंबईच्या संघाला देखील कमी लेखून चालणार नाही. मुंबईकडून कॅमेरून ग्रीन, सूर्यकुमार यादव आणि टीम डेव्हिड यांनी मोठमोठ्या आव्हानांचा यशस्वी सामना केला. या फळीत पुढे नेहल वढेराही आला. त्यानेही प्रभावी कामगिरी केली. रोहित शर्मा, ईशान किशन ही सलामीची जोडी छाप पाडत आहे, मात्र हे सगळे फलंदाज गुजरातचा गोलंदाजीतील आधारस्तंभ मोहम्मद शमीला कसे ‘तोंड’ देतात ते सामन्याच्या निकालावर परिणाम करू शकते. (Latest Sports News)
मुंबईचा वेगवान गोलंदाज आकाश मढवाल सध्या जोरदार फॉर्ममध्ये आहे. त्याने एलिमिनेटर सामन्यात लखनऊच्या फलंदाजांच्या अक्षरश: चिंधड्या (Sport News) उडवल्या होत्या. मात्र, आकाश मढवालचे कोडकौतुक करताना बुजूर्ग स्पिनर पीयूष चावलाचे १५ सामन्यांतील २१ विकेटच्या योगदानाकडे दुर्लक्ष करून चालणार नाही. मुंबईचा पाय खोलात होता तेव्हापासून चावला योगदान देत आहे. जेसन बेहरेनडॉर्फने ११ लढतींत १४ विकेट टिपल्या असून तो पावरप्लेमध्ये कशी गोलंदाजी करतो? हेच पाहणं महत्वाचं ठरणार आहे. (Latest Marathi News)
गुजरात टायटन्स प्लेइंग इलेव्हन (Gujarat Titans Playing XI) :
इशान किशन (विकेटकीपर), रोहित शर्मा (कर्णधार), कॅमेरून ग्रीन, सूर्यकुमार यादव, तिलक वर्मा, टीम डेव्हिड, ख्रिस जॉर्डन, कुमार कार्तिकेय, आकाश मधवाल, पियुष चावला, जेसन बेहरेनडॉर्फ.
मुंबई इंडियन्स प्लेइंग इलेव्हन (Mumbai Indians Playing XI) :
रिद्धिमान साहा (विकेटकीपर), शुभमन गिल, साई सुदर्शन, विजय शंकर, हार्दिक पांड्या (कर्णधार), डेव्हिड मिलर, राहुल तेवतिया, राशिद खान, मोहित शर्मा, नूर अहमद, मोहम्मद शमी.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
