Virat Kolhi New Record In IPL: रॉयल चॅलेंजर बेंगलोरचा स्टार फलंदाज विराट कोहलीने अरूण जेटली मैदानावर दिल्ली कॅपिटल्सविरूद्धच्या सामन्यात इतिहास रचला. सलामीला आलेल्या विराट कोहलीने आयपीएलमध्ये 7000 धावा पूर्ण केल्या. अशी कामगिरी करणारा तो आयपीएल इतिहासातील पहिलाच फलंदाज ठरला. 34 वर्षाच्या विराट कोहलीने अक्षर पटेलच्या गोलंदाजीवर चौकार मारत आपल्या आयपीएल 7000 धावा थाटात पूर्ण केल्या. (Latest Marathi News)
इंडियन प्रीमियर लीग( IPL) असो वा टीम इंडियाचा मंच विराट कोहली (Virat Kohli) एका मोठ्या मुक्कामवर पोहोचला आहे. विराट कोणत्या ना कोणत्या विक्रमाला गवसणी घालताना दिसत आहे. दिल्लीचा घरेलू मैदान अरुण जेटली स्टेडियममध्ये विराटने एका नव्या विक्रमाला गवसणी घातली आहे. विराटने या इनिंगमध्ये १२ धावा केल्यानंतर आयपीएलमध्ये त्याच्या सात हजार धावा पूर्ण झाल्या.
अक्षर पटेलच्या दुसऱ्या षटकात विराटने एक धाव काढून हा मोठा विक्रम केला. सामन्याआधी या धावांपर्यंत पोहोचण्यासाठी त्याला १२ धावांची आवश्यकता होती. विराट पाठोपाठ पंजाबचं नेतृत्व करणाऱ्या शिखर धवननेही २१३ सामन्यांमध्ये ६५३६ धावा केल्या आहेत. विराटनंतर तो अशी कामगिरी करणारा दुसरा फलंदाज ठरला आहे. त्यानंतर वॉर्नर (६१८९) धावा करून तिसऱ्या स्थानावर आहे. तर रोहित शर्मा (६०६३) चौथ्या नंबरवर आहे.
अर्धशतकांचे अर्धशतक...
दरम्यान, विराट कोहलीने दिल्ली विरुद्धच्या सामन्यात 46 बॉलमध्ये 5 फोरच्या मदतीने 55 धावांची अर्धशतकी खेळी केली. विराटच्या आयपीएल कारकीर्दीतील हे 50 वं अर्धशतक ठरले. विराट यासह आयपीएलमध्ये सर्वाधिक अर्धशतकं ठोकणारा दुसरा फलंदाज ठरला. विराटच्या नावावर 50 अर्धशतकांची नोंद आहे. तर या यादीत डेव्हिड वॉर्नर हा 59 अर्धशतकांसह अव्वल स्थानी आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.