इंग्लंड विरुद्धच्या सामन्यापुर्वी न्यूझीलंडला बसला मोठा धक्का

न्यूझीलंड संघाचा आज इंग्लंडबराेबर दूसरा कसाेटी सामना खेळविला जाणार आहे.
kane williamson News, Cricket News Updates in Marathi
kane williamson News, Cricket News Updates in Marathisaam tv

नवी दिल्ली : न्यूझीलंड क्रिकेट संघाच्या (New Zealand Cricket Team) इंग्लंड दौऱ्यातील अडचणी वाढतच चालल्या आहेत. अनुभवी अष्टपैलू कॉलिन डी ग्रँडहोम दुखापतीमुळे तीन सामन्यांच्या मालिकेतून बाहेर होता. त्यानंतर इंग्लंड विरुद्धच्या सामन्यात त्याने पाच गडी बाद करुनही न्यूझीलंडने सामना गमावला. लॉर्ड्सवरील पहिल्या कसोटी सामन्यातील (cricket) पराभवानंतर आता कर्णधार केन विल्यमसन याला देखील दुसऱ्या कसोटी सामन्यात बाहेर रहावे लागत आहे. विल्यमसन (Kane Williamson) याचा कोविड-19 चा (covid) अहवाल पॉझिटिव्ह आल्याने त्यास आजचा सामना खेळता येणार नसल्याचे स्पष्ट झाले आहे. (Kane Williamson tested covid-19 positive)

गुरुवारी कोरोनाची किरकोळ लक्षणे दिसल्यानंतर विल्यमसनची रॅपिड अँटीजेन चाचणी (RAT) करण्यात आली. त्याचा अहवाल पाॅझिटिव्ह आला. त्याला पाच दिवस अलगीकरणात ठेवण्यात आले आहे. न्यूझीलंडसाठी हा मोठा धक्का मानला जात आहे. तीन सामन्यांच्या कसोटी मालिकेत ते यापुर्वीच इंग्लंडकडून ०-१ असे पिछाडीवर आहेत. (Cricket News Updates in Marathi)

kane williamson News, Cricket News Updates in Marathi
कर्जदारांना फटका; देशातील सात बॅंकांनी वाढविला व्याजदर

केन विल्यमसनचा कोविड-19 चा अहवाल पॉझिटिव्ह आल्याने आजपासून ट्रेंट ब्रिज येथे खेळल्या जाणाऱ्या इंग्लंडविरुद्धच्या दुसऱ्या कसोटीसाठी न्यूझीलंडचे नेतृत्व टॉम लॅथमकडे साेपविण्यात आले आहे. टॉम लॅथमने यापुर्वी देखील विल्यमसन दुखापतीमुळे मैदानाबाहेर असताना संघाचे नेतृत्व केले होते. त्यामुळे या कसाेटी सामन्यात संघ उत्तम कामगिरी करेल असा विश्वास व्यक्त केला जात आहे. विल्यमसनच्या जागी हॅमिश रदरफोर्डचा (Hamish Rutherford) न्यूझीलंड संघात समावेश करण्यात आला आहे.

kane williamson News, Cricket News Updates in Marathi
आंतरराष्ट्रीय क्रिकेटमधून मिताली राजने घेतली निवृत्ती; सेकंड इनिंगबाबत म्हणाली...!

ESPNcricinfo च्या वृत्तानुसार न्यूझीलंडचे मुख्य प्रशिक्षक गॅरी स्टीड म्हणाले “आमच्यासाठी ही खूप वाईट बातमी आहे. महत्त्वाच्या सामन्याच्या आदल्या दिवशी विल्यमसनला कोरोनाची लागण झाली आणि त्याला या सामन्यातून बाहेर पडावे लागले. दुसऱ्या कसोटीतून बाहेर पडल्यामुळे तो नक्कीच निराश झाला असेल.

Edited By : Siddharth Latkar

kane williamson News, Cricket News Updates in Marathi
सरकारचा माेठा निर्णय; रात्री दहा नंतर लग्न समारंभास बंदी; साडे आठला बाजारपेठ राहणार बंद?

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com