kl rahul batting: भारत विरुध्द ऑस्ट्रेलिया या दोन्ही संघांमध्ये ३ वनडे सामन्यांच्या मालिकेला प्रारंभ झाला आहे. या मालिकेतील पहिला सामना मुंबईतील वानखेडे स्टेडियमवर पार पडला.
या सामन्यात भारतीय फलंदाज आणि गोलंदाजांनी जोरदार कामगिरी करत ५ गडी राखून विजय मिळवला. यासह मालिकेत १-० ची आघाडी घेतली आहे.
या सामन्यात इतर फलंदाज संघर्ष करताना दिसले तर केएल राहुलने ७५ धावांची तुफानी खेळी केली.
बॉर्डर गावसकर ट्रॉफीतील सुरुवातीच्या २ सामन्यांमध्ये केएल राहुलला संधी दिली गेली होती. मात्र या दोन्ही सामन्यांमध्ये तो पूर्णपणे फ्लॉप ठरला होता.(Latest sports updates)
त्यानंतर त्याला संघाबाहेर केलं गेलं होतं. आता वनडे मालिकेत हार्दिक पंड्याच्या नेतृत्वाखाली खेळणाऱ्या भारतीय संघात त्याला संधी मिळाली आणि त्याने संधीचं सोनं करून दाखवलं आहे.
या मॅच विनिंग खेळीनंतर सोशल मीडियावर अनेकांचं म्हणणं आहे की, केएल राहुलवर उज्जैनच्या महाकालांची कृपा झाली आहे. केएल राहुल आणि त्याची पत्नी अथिया शेट्टीने काही दिवसांपूर्वी उज्जैनच्या महाकाल दरबारी हजेरी लावली होती.
तर विराट कोहली आणि त्याची पत्नी अनुष्का शर्मा देखील महाकालचे दर्शन घेण्यासाठी पोहोचले होते. त्यानंतर विराटनेही ऑस्ट्रेलिया विरुध्दच्या चौथ्या कसोटी सामन्यात शतक झळकावत १८७ धावांची खेळी केली होती.
तसेच या सामन्याबद्दल बोलायचं झालं तर भारतीय संघाने नाणेफेक जिंकून प्रथम गोलंदाजी करण्याचा निर्णय घेतला होता.
हा निर्णय सार्थ ठरवत भारतीय गोलंदाजांनी ऑस्ट्रेलियाचा डाव १८८ धावांवर संपुष्टात आणला होता. प्रत्युत्तरात भारतीय संघाकडून केएल राहुलने नाबाद ७५ आणि रवींद्र जडेजाने नाबाद ४५ धावांची खेळी करत भारतीय संघाला ५ गडी राखून विजय मिळवून दिला.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
