चर्चा तर होणारच! ऑस्ट्रेलियाविरुद्धच्या सामन्यानंतर केएल राहुलसाठी आथिया शेट्टीनं पोस्ट केली शेअर

गेल्या अनेक दिवसापासून क्रिकेटर केएल राहूल आणि सुनिल शेट्टीची मुलगी आथिया शेट्टी यांच्या दोघांच्याही प्रेमाची चर्चा रंगत आहे.
Athiya Shetty and KL Rahul Image
Athiya Shetty and KL Rahul ImageSaam Tv

मुंबई: गेल्या अनेक दिवसापासून क्रिकेटवीर केएल राहूल (KL Rahul) आणि सुनिल शेट्टीची (Sunil Shetty) मुलगी आथिया शेट्टी (Athiya Shetty) यांच्या दोघांच्याही प्रेमाची चर्चा रंगत आहे. दोघेही एकत्र अनेक दिवसापासून वेळ घालवताना दिसत आहे. सध्या आथिया आणि राहुल एकमेकांना भेटत नाहीत कारण राहुलने मोहालीतील पीसीए स्टेडियमवर (PCA Stadium) ऑस्ट्रेलियाविरुद्धच्या तीन सामन्यांच्या मालिकेतील पहिल्या T20 दरम्यान अर्धशतक पूर्ण केले होते. अथिया तिचा प्रियकर आणि टीम इंडियाचा उपकर्णधार केएल राहुलच्या या कामगिरीवर खूप खूश झाली असून आथियाने त्यांचा एक फोटो सोशल मीडियावर शेअर केला आहे.

Athiya Shetty and KL Rahul Image
IND vs Aus : टीम इंडियाचं कुठे चुकलं? रोहित शर्मा स्पष्टच बोलला

केएल राहुलने अर्धशतक पूर्ण केल्यानंतर अथिया शेट्टीने तिच्या इंस्टाग्राम अकाउंटवर एक फोटो शेअर केला आहे. ज्यामध्ये केएल राहुल बॅट घेऊन जाताना दिसत आहे. त्याचा हा फोटो शेअर करताना त्याने हार्ट इमोजी शेअर केला आहे. या सामन्यात राहुलने केवळ 35 चेंडूत 4 चौकार आणि 3 षटकारांच्या मदतीने 55 धावा केल्या. केएल राहुलनेही ऑस्ट्रेलियाच्या गोलंदाजीत तीन मोठे षटकार ठोकले. मॅचमधील 12व्या ओवरमध्ये केएल राहुलला जोश हेझलवूडने बाद केले. तत्पूर्वी, ऑस्ट्रेलियाचा कर्णधार अॅरॉन फिंचने नाणेफेक जिंकून प्रथम गोलंदाजी करण्याचा निर्णय घेतला होता.

Athiya Shetty and KL Rahul Image
Raju Srivastava: मुख्यमंत्री एकनाथ शिंदे यांची हास्य कलाकार राजू श्रीवास्तव यांना श्रद्धांजली

केएल राहुल आणि अथिया शेट्टी गेल्या काही काळापासून एकमेकांना डेट करत आहेत आथिया अनेकदा राहूलसोबत एकत्र दिसली आहे. अथिया ही बॉलिवूडचा प्रसिद्ध अभिनेता सुनील शेट्टीची मुलगी आहे. या प्रेमीयुगलांनी एकमेकांवर प्रेम करत असल्याची कबूलीही दिली होती. राहुलने आपल्या वाढदिवसादिवशी आथियासोबत एका आकर्षक पोस्टकरत आपल्या मैत्रिणीला वाढदिवसाच्या शुभेच्छा दिल्या होत्या.

Athiya Shetty
Athiya Shetty Instagram/ @athiyashetty

अथिया शेट्टी आणि केएल राहुल डेट करत असल्याच्या बातम्या बऱ्याच दिवसांपासून माध्यमांवर बातम्या दिसत होत्या. दरम्यान, दोघेही लवकरच लग्न करणार असल्याची बातमीही आली आहे. मात्र, नंतर या बातम्या निव्वळ अफवा ठरल्या. पण आता दोघेही आपले प्रेम उघडपणे व्यक्त करत असल्याने लवकरच दोघेही लग्न करणार असल्याचे स्पष्ट झाले आहे. इन्स्टाग्राम अकाऊंटवर दोघांचेही फोटो चांगलेच चर्चेचा विषय ठरले आहे. अनेकदा दोघेही एकमेकांचे फोटो सोशल मीडियावर शेअर करत असतात.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com