Border-Gavasakar Trophy: शुभमन गिल पहिल्या टेस्टमधून बाहेर? केएल राहुलने प्लेइंग ११ बाबत दिली मोठी अपडेट

Border-Gavasakar Trophy: बॉर्डर- गावसकर ट्रॉफीसाठी भारतीय संघ सज्ज झाला आहे. ९ फेब्रुवारीपासून सुरु होणाऱ्या पहिल्या कसोटी साम्ण्यासाठी भारतीय संघाने जोरदार तयारीला सुरुवात देखील केली आहे. कसोटी सामना सुरु व्हायला २ दिवस शिल्लक असताना संघाचा उपकर्णधार केएल राहुल याने प्लेइंग-११ बाबत मोठी घोषणा केली आहे.

सामन्यापूर्वी झालेल्या पत्रकार परिषदेत केएल राहुलने आपल्या रणनीतीबाबत खुलासा केला आहे. त्याने स्पष्ट केले आहे की, भारतीय संघ फिरकी गोलंदाजांचा सामना करण्यासाठी तयार आहे. तसेच भारतीय संघ वर्ल्ड टेस्ट चॅम्पियनशिपच्या अंतिम फेरीत प्रवेश करण्यासाठी देखील जोरदार प्रयत्न करणार आहे. (Sports latest updates)

ऑस्ट्रेलियाविरुद्ध होणाऱ्या कसोटी मालिकेसाठी संघातील वरिष्ठ खेळाडू पुनरागमन करणार आहेत. त्यामुळे प्लेइंग-११ मध्ये कुठल्या खेळाडूला संधी दिली जाईल यावर सर्वांचेच लक्ष लागून असणार आहे. तसेच शुभमन गिलला संधी मिळेल का? असा प्रश्न विचारला असता केएल राहुलने म्हटले की," गिलला संधी मिळेल की नाही याबाबत अद्यापही निर्णय घेण्यात आलेला नाहीये." गिलची गेल्या काही सामन्यातील कामगिरी पाहता त्याला प्लेइंग-११ मध्ये संधी मिळायला हवी असे क्रिकेट चाहत्यांचे म्हणणे आहे. गिलला संधी मिळाली तर केएल राहुल मध्यक्रमात फलंदाजी करण्यासाठी येऊ शकतो. (Team India)

तीन फिरकी गोलंदाजांना मिळू शकते संधी..

केएल राहुलने म्हटले आहे की, भारतीय संघ ३ फिरकी गोलंदाजांसह मैदानात उतरू शकतो. मात्र अंतिम निर्णय हा सामन्याच्या दिवशी घेतला जाईल. कारण नागपूरची खेळपट्टी फिरकी गोलंदाजांसह वेगवान गोलंदाजांसाठी देखील फायदेशीर ठरू शकते.

रोहित शर्मा (कर्णधार), केएल राहुल (उपकर्णधार), शुभमन गिल, चेतेश्वर पुजारा, विराट कोहली, श्रेयस अय्यर, केएस भरत (विकेटकीपर), ईशान किशन (विकेटकीपर), आर. अश्विन,अक्षर पटेल, कुलदीप यादव, रवींद्र जडेजा, मोहम्मद शमी, मोहम्मद सिराज, उमेश यादव, जयदेव उनाडकट, सूर्यकुमार यादव.