LSG vs MI Eliminator: महत्वाच्या सामन्यापूर्वी मुंबईची चिंता वाढली! समोर आलं मोठं कारण

LSG vs MI, IPL 2023 : आयपीएल २०२३ स्पर्धा आता रोमांचक वळणावर येऊन पोहोचली आहे. स्पर्धेतील क्वालिफायर १ चा सामना गुजरात टायटन्स आणि चेन्नई सुपर किंग्ज या दोन्ही संघांमध्ये पार पडला. या सामन्यात चेन्नई सुपर किंग्ज संघाने १५ धावांनी विजय मिळवत अंतिम सामन्याचं तिकीट मिळवलं आहे.

आज एलिमिनेटरचा सामना लखनऊ सुपर जायंट्स आणि मुंबई इंडियन्स या दोन्ही संघांमध्ये रंगणार आहे. हा सामना संध्याकाळी ७:३० वाजता चेपॉकच्या मैदानावर रंगणार आहे.

आज रंगणार एलिमिनेटरचा सामना..

क्वालिफायर १ चा सामना गमावलेल्या गुजरात टायटन्स संघाला आणखी एक संधी मिळणार आहे. जो संघ एलिमिनेटरचा सामना जिंकेल तो संघ अंतिम फेरीत जाण्यासाठी गुजरात टायटन्स संघासोबत दोन हात करणार आहे.

टॉप २ मध्ये असलेल्या संघांना अंतिम फेरीत जाण्यासाठी २ संधी मिळत असतात. त्यामुळे आज जो संघ जिंकेल तो संघ गुजरात टायटन्स संघासोबत भिडणार आहे.

हे आहे प्रमुख कारण

यावरून तुम्ही अंदाज लावू शकता की, एलिमिनेटरचा सामना खेळणाऱ्या संघासाठी जेतेपद मिळवणं किती कठीण आहे. आयपीएल स्पर्धेत एलिमिनेटरचे सामने खेळणाऱ्या संघांचा रेकॉर्ड हवा तितका खास राहिला नाहीये.

आयपीएल स्पर्धेच्या इतिहासात केवळ एकदाच असं घडलं आहे जेव्हा एलिमिनेटरचा सामना खेळलेला संघ विजेता ठरला आहे. हा कारनामा डेव्हिड वॉर्नरच्या नेतृत्वाखाली खेळणाऱ्या सनरायझर्स हैदराबाद संघाने २०१६ मध्ये करून दाखवला होता. (Latest sports updates)

मुंबई विरुद्ध लखनऊ हेड टू हेड रेकॉर्ड..

लखनऊ सुपर जायंट्स संघाने आयपीएल २०२२ स्पर्धेत एन्ट्री घेतली होती. तेव्हापासून ते आतापर्यंत मुंबई इंडियन्स आणि लखनऊ सुपर जायंट्स हे दोन्ही संघ ३ वेळेस आमने सामने आले होते.

यादरम्यान मुंबई इंडियन्स संघाला एकही विजय मिळवता आला नाहीये. हे तिनही सामने लखनऊ सुपर जायंट्स संघाने जिंकले आहेत. त्यामुळे आज होणाऱ्या सामन्यात लखनऊ सुपर जायंट्स संघाचं पारडं जड असणार आहे. मुंबईचा संघ पराभूत झाल्यास लखनऊ सुपर जायंट्स आणि गुजरात टायटन्स या दोन्ही संघांमध्ये क्वालिफायर १ चा सामना रंगणार आहे.

रोहितकडे इतिहास रचण्याची संधी...

आतापर्यंत एलिमिनेटरचा सामना जिंकलेला संघ एकदाच जेतेपद जिंकू शकला आहे. हा रेकॉर्ड रोहित शर्माला तोडण्याची संधी असणार आहे. आतापर्यंत मुंबई इंडियन्स संघाने ५ वेळेस जेतेपदाला गवसणी घातली आहे.

त्यामुळे हा सामना जिंकून मुंबईचा संघ गुजरातला हरवून अंतिम फेरीत जाऊ शकतो. लखनऊला हलक्यात घेणं चुकीचं ठरेल. कारण दुसऱ्याच हंगामात लखनऊचा संघ दुसऱ्यांदा प्लेऑफमध्ये पोहोचला आहे.