पंधरा वर्षांत पहिल्यांदाच असं घडलं, मुंबई इंडियन्सच्या नावावर नवा विक्रम

आयपीएलच्या १५ व्या पर्वात प्रतीस्पर्धी संघाविरुद्ध नऊ सामन्यांमध्ये मुंबई इंडियन्सने नांगी टाकली.
पंधरा वर्षांत पहिल्यांदाच असं घडलं, मुंबई इंडियन्सच्या नावावर नवा विक्रम
Mumbai Indianssaam tv

मुंबई : आयपीएलमध्ये आतापर्यंत पाचवेळा विजेतेपदावर मोहोर लावणाऱ्या मुंबई इंडियन्सची (Mumbai Indians) यंदाच्या मोसमात पुरती दमछाक झाली आहे. रोहित शर्माच्या (Rohit Sharma) नेतृत्वात मुंबई इंडियन्सने गेल्या काही हंगामात चमकदार प्रदर्शन केलं होतं. परंतु, यंदाच्या आयपीएलच्या १५ व्या (IPL 2022) पर्वात प्रतीस्पर्धी संघाविरुद्ध नऊ सामन्यांमध्ये मुंबई इंडियन्सने नांगी टाकली. सोमवारी झालेल्या कोलकता नाईट रायडर्स (KKR) आणि मुंबई इंडियन्सच्या लढतीत मुंबईचा संघ ११३ धावांवर गारद झाला.

Mumbai Indians
लग्नाच्या तीन दिवस आधी पत्रिका वाटायला गेली, तिघांनी केला तरुणीवर बलात्कार!

आयपीएल २०२२ मध्ये मुंबई इंडियन्सच्या काही खेळाडूंनी निराशाजनक कामगिरी केल्यामुळं मुंबईच्या संघाची प्ले ऑफमध्ये जाण्याची शक्यता धूसर झाली आहे.सोमवारी केकेआर विरुद्ध झालेल्या सामन्यातही मुंबईचा ५२ धावांनी पराभव झाला. त्यामुळे मुंबईचा संघ गुणतालिकेत खालच्या स्थानी आहे.

मुंबई इंडियन्सचा खराब कामगिरीचा विक्रम

रोहित शर्माच्या नेतृत्वात मुंबई इंडियन्सने यंदाच्या मोसमात खराब कामगिरी करण्याचा विक्रम केला आहे. आयपीएलमध्ये आतापर्यंत झालेल्या सर्व सिजनमध्ये ९ वेळा पराभवाचा सामना करण्याची वेळ मुंबईवर पहिल्यांदाच आली आहे. याआधी २००९,२०१४ आणि २०१८ मध्ये झालेल्या आयपीएलच्या हंगामात मुंबई इंडियन्सचा आठवेळा पराभव झाला होता. २०१२,२०१६ आणि २०२१ च्या सिजनमध्ये मुंबई इंडियन्सला सातवेळा पराभवाचा सामना करावा लागला होता.

असा झाला मुंबईचा पराभव ?

नाणेफेक हारल्यानंतर कोलकता नाईट रायडर्सने प्रथम फलंदाजी करुन २० षटकांमध्ये ९ विकेट्स गमावत १६५ धावा केल्या. नितीश राणा आणि व्यंकटेश अय्यरने ४३-४३ धावांची खेळी केली. याशिवाय अजिंक्य रहाणे २५ आणि रिंकू सिंगने नाबाद २३ धावा केल्या. विशेष म्हणजे सोमवारी झालेल्या सामन्यात जसप्रीत बुमराहने चमकदार कामगिरी केली. बुमराने चार षटतकांत १० धावा देत ५ विकेट्स घेण्याची अप्रतिम कामगिरी केली. त्यानंतर १६५ धावांचा पाठलाग करण्यासाठी मुंबईचा संघ मैदानात उतरला. परंतु केकेआरच्या गोलंदाजांच्या भेदक माऱ्यामुळं मुंबईचा संघ १७.३ षटकांमध्ये ११३ धावांवर गारद झाला. इशान किशने ५१ धावांची खेळी करत मुंबईच्या संघाचा बळ दिलं. परंतु, अवघ्या १४ धावांच्या आत मुंबई इंडियन्सचे सहा फलंदाज बाद झाले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.