WPL 2023 MI VS RCB: विमेंस प्रीमियर लीग २०२३ स्पर्धेतील चौथा सामना मुंबई इंडियन्स विरुध्द रॉयल चॅलेंजर्स बेंगलोर या दोन्ही संघांमध्ये पार पडला. या सामन्यात मुंबई इंडियन्स संघाने बाजी मारत ९ गडी राखून विजय मिळवला आहे.
हा या स्पर्धेतील मुंबईचा सलग दुसरा विजय आहे. तर रॉयल चॅलेंजर्स बेंगलोर संघ अजूनही आपल्या पहिल्या विजयाच्या प्रतीक्षेत आहे. (Latest sports updates)
या सामन्यात रॉयल चॅलेंजर्स बेंगलोर संघाने नाणेफेक जिंकून प्रथम फलंदाजी करण्याचा निर्णय घेतला होता. मात्र रॉयल चॅलेंजर्स बेंगलोर संघाकडून एकाही फलंदाजाला हवी तशी कामगिरी करता आली नाही. (MI VS RCB)
प्रथम फलंदाजी करताना रिचा घोषने सर्वाधिक २८ धावांची खेळी केली. तर श्रेयंका पाटीलने २३ आणि कर्णधार स्म्रीती मंधानाने २३ धावांचे योगदान दिले. रॉयल चॅलेंजर्स बेंगलोर संघाचा डाव १८.४ षटकात १५५ धावांवर संपुष्टात आला.
या धावांचा पाठलाग करताना यस्तिका भाटिया २३ धावा करत माघारी परतली. मात्र त्यानंतर फलंदाजीसाठी आलेल्या हेली मॅथ्यूजने नाबाद ७७ आणि सिवर ब्रंटने नाबाद ५५ धावांची खेळी करत मुंबईला जोरदार विजय मिळवून दिला. हा मुंबईचा सलग दुसरा विजय आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
