Cricket News : अहमदाबादमधील नरेंद्र मोदी स्टेडियमची गिनीज बुक ऑफ वर्ल्ड रेकॉर्डमध्ये नोंद करण्यात आली आहे. 2022 च्या आयपीएल फायनलमध्ये सर्वाधिक प्रेक्षक उपस्थित असल्याने या स्टेडियमला हा किताब देण्यात आला आहे.
नरेंद्र मोदी स्टेडियम आधी गुजरात क्रिकेट असोसिएशन (GCA) स्टेडियम मोटेरा म्हणून ओळखले जात होते. त्याची क्षमता 110,000 प्रेक्षकांची आहे. तर मेलबर्न क्रिकेट ग्राउंड (MCG) पेक्षा ही क्षमता अंदाजे 10,000 जास्त आहे. MCG ची क्षमता 100,024 प्रेक्षकांची आहे. (Sports News)
भारतीय क्रिकेट नियामक मंडळाचे (BCCI) सचिव जय शाह यांनी रविवारी ट्वीट करुन सांगितलं की, 'नरेंद्र मोदी स्टेडियमचा गिनीज बुक रेकॉर्डमध्ये समावेश झाला आहे. टी-20 सामन्यात सर्वाधिक प्रेक्षक संख्येसाठी हा रेकॉर्ड झाला आहे. या गोष्टीचा मला अभिमान आणि आनंद आहे. 29 मे 2022 रोजी IPL फायनल दरम्यान स्टेडियममध्ये 101,566 प्रेक्षक होते. हे शक्य केल्याबद्दल प्रेक्षकांच्या समर्थनामुळे शक्य झालं, खूप खूप आभार.
आयपीएल 2022चा अंतिम सामना 29 मे रोजी गुजरात आणि राजस्थान यांच्यामध्ये झाला होता. अहमदाबादच्या नरेंद्र मोदी स्टेडिअममध्ये हा फायनल सामना झाला होता. या सामन्यात गुजरातने सात विकेट्सनं विजय मिळवला होता.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
