'आपला अॅटीट्यूड सुधारा', पाकिस्तानच्या माजी क्रिकेटपटूचा विराट कोहलीला सल्ला

विराट कोहलीला पुन्हा एकदा नंबर- १ व्हायचं आहे ? पाकिस्तानचा माजी क्रिकेटपटू म्हणाला...
'आपला अॅटीट्यूड सुधारा', पाकिस्तानच्या माजी क्रिकेटपटूचा विराट कोहलीला सल्ला
Virat kohlisaam tv

नवी दिल्ली : भारताचा माजी कर्णधार विराट कोहली (Virat Kohli) गेल्या काही सामन्यांमध्ये खराब फॉर्मातून जात आहे. यंदाच्या आयपीएलमध्ये काही सामने वगळता विराटची सुमार कामगिरी पाहायला मिळाली. दरम्यान, आगामी होणाऱ्या भारत- इंग्लंडच्या कसोटी (India-England Test) सामन्यात कोहली फॉर्ममध्ये वापसी करण्यासाठी कंबर कसत आहे. अशातच पाकिस्तानचा माजी क्रिकेटपटू शाहिद आफ्रिदीने (Shahid Afridi) विराट कोहलीला मोठा सल्ला दिला आहे.

Virat kohli
भारत-आर्यलॅंड सीरिजसाठी हार्दिक पंड्या कर्णधार, BCCI ने केली टीम इंडियाची घोषणा

विराटला पुन्हा एकदा नंबर १ व्हायचं आहे ? आफ्रिदी म्हणाला....

पाकिस्तानचा माजी खेळाडू शाहिद आफ्रिदीने विराट कोहलीबाबत मोठं विधान केलं आहे. माध्यमांशी बोलताना आफ्रिदी म्हणाला, विराट कोहलीला स्वत:ची परीक्षा घ्यावी लागेल आणि आपल्या अॅटीट्यूडकडे पाहावं लागेल. क्रिकेटमध्ये अॅटीट्यूड हा सर्वात महत्वाचा भाग आहे. मला सर्वप्रथम याबाबतच बोलायचं आहे. क्रिकेटबाबत तुमचा दृष्टीकोन कसा असला पाहिजे ? जसं की, विराट कोहली त्याच्या करिअरमध्ये पहिल्यांदा जगातील नंबर १ फलंदाज बनायचं होतं. विराट खरचं त्याच प्रेरणेनं क्रिकेट खेळत आहे, हा मोठा प्रश्न आहे. विराटकडे क्लास आहे.

Virat kohli
WWE चा निर्णय समजताच सुपरस्टार शाशा बॅंकचे चाहते घायाळ

परंतु, विराटला खरंच पुन्हा एकजा नंबर १ व्हायचं आहे की, जीवनात सगळं काही मिळालं आहे, असं कोहलीला वाटत आहे. आता फक्त आराम आणि टाईमपास करा ? हा विषय अॅटीट्यूडचा आहे. दरम्यान, टीम इंडियाचा स्टार फलंदाज विराट कोहली यंदाच्या मोसमात खराब फॉर्ममधून जात आहे. नुकत्याच झालेल्या आयपीएलच्या हंगामातही विराटने अपेक्षित अशी चमकदार कामगिरी केली नाही. कोहलीने यंदाच्या आयपीएलमध्ये १६ सामन्यांमध्ये २२.७३ च्या सरासरीनं ३४१ धावा केल्या. ज्यामध्ये फक्त दोन अर्धशतकांचा समावेश आहे. एवढच नाही तर विराट तीनवेळा गोल्डन डकवर आऊटही झाला होता.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com