PBKS vs SRH Match : शिखर धवनची झुंजार खेळी! अवघ्या एका धावाने हुकलं शतक; हैदराबादसमोर १४४ धावांचं लक्ष्य

PBKS vs SRH : पंजाब किंग्जने सनराईज हैदराबादसमोर विजयासाठी धावांचे १४४ आव्हान ठेवलं आहे.
PBKS vs SRH Match Updates
PBKS vs SRH Match UpdatesSaam TV

PBKS vs SRH Match Live updates : कर्णधार शिखर धवनच्या ६६ चेंडूत नाबाद ९९ धावांच्या झुंजार खेळीच्या जोरावर पंजाब किंग्जने सनराईज हैदराबादसमोर विजयासाठी धावांचे १४४ आव्हान ठेवलं आहे. हैदराबादच्या राजीव गांधी स्टेडियमवर सुरू असलेल्या या सामन्यात हैदराबादने नाणेफेक जिंकून प्रथम गोलंदाजीचा निर्णय घेतला. (Latest sports updates)

PBKS vs SRH Match Updates
Rinku Singh 5 Sixes : 'रिंकू' वादळाचा गुजरातला तडाखा; सलग ५ चेंडूत ठोकले ५ षटकार, पाहा VIDEO

फलंदाजीसाठी उतरलेल्या पंजाब किंग्जची सुरूवात अतिशय निराशाजनक झाली. मागच्या सामन्यात (IPL 2023) विस्फोटक खेळी करणाऱ्या प्रभसिमरनला भुवनेश्वर कुमारने पहिल्याच चेंडूवर बाद केले. त्यापाठोपाठ मार्को यान्सनने मॅट शॉर्ट आणि जितेश शर्माला झटपट माघारी पाठवलं.

त्यानंतर फलंदाजीसाठी आलेल्या सॅम करनने शिखर धवनला साथ देत पंजाबचा डाव पुढे नेला. सॅम करन मयांक मार्कंडेच्या फिरकीच्या जाळ्यात अडकला. त्यानंतर एकापाठोपाठ पंजाबचे गडी बाद होत गेले. एकवेळी पंजाबची अवस्था ९ बाद ८८ झाली होती.

मात्र, शिखर धवनने तळातील फलंदाजाला हाताशी धरत पंजाबचा डाव पुढे नेला. शिखर धवनने ६६ चेंडूत नाबाद ९९ धावांची झुंजार खेळी केली. त्यामुळे पंजाबला सन्माजनक धावसंख्या उभारता आली.

पंजाबकडून सॅम करन आणि शिखर धवन वगळता एकाही फलंदाजाला दुहेरी दावसंख्या गाठता आली नाही. हैदराबादकडून मयांक मार्कंडेने सर्वाधिक ४ विकेट्स घेतल्या. तर भुवनेश्वर कुमार आणि उमरान मलिक यांनी प्रत्येकी २-२ विकेट्स घेतल्या.

Edited by - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com