Wrestler Died In Field: सराव करतानाच कोसळला, मग उठलाच नाही; महाराष्ट्र चॅम्पियनने अखाडयातच घेतला अखेरचा श्वास

Wrestler Dies From Heart Attack: बुधवारी कुस्ती प्रेमींसाठी अतिशय वाईट बातमी समोर आली आहे. पुण्यातील कुस्तीपटूला हृदय विकाराच्या झटक्यामुळे आपले प्राण गमवावे लागले आहे.

पुण्यातील ३१ वर्षीय कुस्तीपटू स्वप्नील पाडाळेने (Swapnil padale) लाल मातीच्या अखाड्यात आपला शेवटचा श्वास घेतला आहे. (Latest sports updates)

पुण्यातील मारुंजी इथे असलेल्या मामासाहेब मोहोळ कुस्ती संकुलात आज सकाळी ७:३० वाजता ही घटना घडली.

पैलवान सरावाला सुरुवात करण्यापूर्वी सपाट्या मारत असतात. मात्र सपाट्या मारतानाच तो पडला आणि त्यानंतर पुन्हा उठलाच नाही.

सपाट्या मारताना तो खाली आधळला आणि त्यानंतर त्याला जाग आलीच नाही. तो खाली पडल्यानंतर त्याच्या सहकाऱ्यांनी त्याला उचललं आणि तात्काळ त्याला रुग्णालयात हलवलं. मात्र रुग्णालयात पोहचण्याआधीच त्याने जीव सोडला होता.

स्वप्नीलने महाराष्ट्र चॅम्पियनचा खिताबही पटकावला होता. डॉक्टरांनी दिलेल्या माहितीनुसार त्याचा मृत्यू हा हृदय विकाराच्या झटक्यानेच झाला आहे.