पीव्ही सिंधूने पटकाविले Syed Modi International Badminton चे अजिंक्यपद; मालविका बनसाेड उपविजेती

लखनौ : सय्यद मोदी आंतरराष्ट्रीय बॅडमिंटन (Syed Modi India International Badminton Championship) स्पर्धेत आज महिला एकेरीतील अंतिम सामन्यात अव्वल मानांकित पीव्ही सिंधूने नवाेदित बॅडमिंटनपटू (badminton) मालविका बनसाेडचा पराभव करुन अजिंक्यपद पटकाविले. मालविका (malvika bansod) सिंधूला (PV Sindhu) उत्तम टक्कर देईल अशी आशा हाेती परंतु ती फाेल ठरली.

सिंधूच्या अनुभवापुढं आज महिला एकेरीच्या अंतिम सामन्यात मालविकाचा टिकाव लागला नाही. सिंधूने मालविकाचा २१-१३, २१-१६ असा पराभव केला. दरम्यान सामन्या दरम्यान मालविकाने मिळविलेले काही गुण वाखण्याजाेगे ठरले.

इशान भटनागर- तनिषा कॅस्ट्रोने मिश्र दुहेरीचे विजेतेपद पटकावले. त्यांनी २१-१६, २१-१२ अशी टी.एच. नागेंद्र बाबू - एस. गुराझादा या जाेडीचा पराभव केला. दरम्यान अरनॉड मर्क्ले आणि लुकास क्लेरबाउट यांच्यातील पुरुष एकेरीच्या लढतमधील स्पर्धकास COVID-19 आढळल्यानंतर सामना रद्द करण्यात आला.