R Praggnanandhaa : पॅरासिन ओपन बुद्धिबळ स्पर्धेत भारताचा प्रज्ञानानंद 'अजिंक्य'; रचला इतिहास

नवी दिल्ली : देशाचा ग्रँडमास्टर आर प्रज्ञानानंद याने (R Praggnanandhaa) पॅरासिन ओपन 'ए' बुद्धिबळ (Paracin Open 'A' chess tournament 2022) स्पर्धेत विजय (victory) मिळविला. त्याने या स्पर्धेत आठ गुणांची कमाई करुन हे यश मिळविलं आहे. या यशाबद्दल त्याचे देशभरात (india) काैतुक हाेत आहे. प्रज्ञानानंद यास बुद्धिबळपटू विश्वनाथन आनंद यांचे मार्गदर्शन लाभले आहे. (R Praggnanandhaa Latest Marathi News)

या स्पर्धेत प्रज्ञानानंदने सर्व सामने जिंकले. त्याने एलेक्झांडर प्रेडके यास पिछीडीवर टाकले. प्रेडके याने ७.५ गुण मिळविले. ताे द्वितीय स्थानावर राहिला. या स्पर्धेत कझाकस्तानच्या अलीशेर सुलेमेनोव्हनं तृतीय क्रमांक मिळविला आहे. अलीशेर याचा एएल मुथय्या या भारतीय खेळाडूसमवेतचा सामना बराेबरीत सुटला.

या स्पर्धेत भारताचा व्ही प्रणवला प्रेडकेने पराभवचा धक्का दिला. त्यामुळे त्याचे आव्हान ६.५ गुणांसह संपुष्टात आले. तसेच ग्रँडमास्टर अर्जुन कल्याण (६.५ गुण) हा सातव्या स्थानावर राहिला.

Edited By : Siddharth Latkar