Rashid Khan Catch Video: लईच भारी ! राशिद खानने टिपला ‘कॅच ऑफ द सिझन’,व्हिडिओ पाहून व्हाल अवाक् - VIDEO

Rashid Khan: राशिद खानने एक भन्नाट झेल टिपला आहे.
Rashid Khan catch
Rashid Khan catchtwitter

GT VS LSG IPL 2023: आयपीएल २०२३ स्पर्धेत आतापर्यंत एकापेक्षा एक जबरदस्त कॅचेस पकडले गेले आहेत. कोणी धावत जाऊन डाईव्ह मारत कॅच पकडत आहे. तर कोणी बाऊंड्री लाईनवर उडी मारून कॅच पकडत आहे.

दरम्यान गुजरात टायटन्स विरुध्द लखनऊ सुपर जायंट्स संघाविरुद्ध झालेल्या सामन्यात गुजरात टायटन्स संघातील गोलंदाज राशिद खानने एक भन्नाट झेल टिपला आहे.

ज्याचा व्हिडिओ सध्या सोशल मीडियावर जोरदार व्हायरल होत आहे. (Rashid Khan Catch Video)

Rashid Khan catch
GT vs LSG Match Result: छोटा भाऊ पडला मोठ्या भावावर भारी! LSG वर गुजरातचा दणदणीत विजय

राशिद खानचा भन्नाट झेल.. गुजरात टायटन्स संघातील खेळाडू राशिद खान हा एक परफेक्ट ऑलराऊंडर आहे. तो फलंदाजी, गोलंदाजीसह क्षेत्ररक्षणात देखील संघासाठी बहुमूल्य योगदान देत असतो. नुकताच लखनऊ सुपर जायंट्स संघाविरुद्ध झालेल्या सामन्यात त्याने काईल मेयर्सचा एक अप्रतिम झेल टिपला आहे.

गुजरातने दिलेल्या २२८ धावांचा पाठलाग करताना लखनऊने आक्रमक सुरुवात केली होती. लखनऊ सुपर जायंट्स संघाकडून काईल मेयर्सने ४८ धावांची खेळी केली. तर झाले असे की, काईल मेयर्स ४८ धावांवर फलंदाजी करत असताना ९ वे षटक टाकण्यासाठी मोहित शर्मा गोलंदाजीला आला होता. त्यावेळी स्लोवर चेंडू टाकला.

ज्यावर काईल मेयर्सने मोठा फटका खेळण्याचा प्रयत्न केला. मात्र त्याचा प्रयत्न फसला. चेंडू हवेत गेला, त्यावेळी राशिद खान धावत आला आणि उजव्या बाजूला डाईव्ह मारत अप्रतिम झेल टिपला. (Latest sports updates)

गुजरातचा जोरदार विजय..

या सामन्यात गुजरात टायटन्स संघाने जोरदार कामगिरी करत ५६ धावांनी विजय मिळवला आहे. प्रथम फलंदाजी करताना गुजरात टायटन्स संघाने २० षटक अखेर २२७ धावांचा डोंगर उभारला होता. या डावात शुभमन गिलने २ चौकार आणि ७ षटकारांच्या साहाय्याने सर्वाधिक ९४ धावांची खेळी केली.

तर वृद्धिमान साहाने ८१ धावांचे योगदान दिले. या धावांचा पाठलाग करताना क्विंटन डी कॉकने ७० धावांची खेळी केली. तर काईल मेयर्सने ४८ धावा चोपल्या.

मात्र इतर फलंदाजांची साथ न मिळाल्याने लखनऊला या सामन्यात ५६ धावांनी पराभवाचा सामना करावा लागला आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com