IPL 2023, CSK vs SRH: जडेजाच्या फिरकीत अडकले हैदराबादचे नवाब; चेन्नईला विजयासाठी १३५ धावांचं आव्हान

CSK vs SRH: फिरकीपट्टू रविंद्र जडेजाचा भेदक मारा आणि त्याला अन्य गोलंदाजांनी दिलेल्या सुरेख साथीच्या जोरावर चेन्नई सुपकिंग्जने सनराईज हैदराबादला १३४ धावांवर रोखलं.
Ravindra jadeja best bowling sunrisers hyderabad set a target 135 runs against chennai super kings
Ravindra jadeja best bowling sunrisers hyderabad set a target 135 runs against chennai super kings Saam TV

IPL 2023, CSK vs SRH: फिरकीपट्टू रविंद्र जडेजाचा भेदक मारा आणि त्याला अन्य गोलंदाजांनी दिलेल्या सुरेख साथीच्या जोरावर चेन्नई सुपकिंग्जने सनराईज हैदराबादला १३४ धावांवर रोखलं. चेन्नईच्या गोलंदाजीसमोर हैदराबाद संघाची दाणादाण उडली. हैदराबादकडून अभिषेक शर्माचा अपवाद वगळता एकाही फलंदाजाला ३० धावसंख्येचा पल्ला पार करत आला नाही.

चेन्नईच्या एमए चितंबरम स्टेडियमवर प्रथम नाणेफेक जिंकून चेन्नई सुपरकिंग्जने गोलंदाजीचा निर्णय घेतला. त्यानंतर प्रथम फलंदाजीसाठी मैदानात उतरलेल्या हैदराबादने अत्यंत संयमी सुरूवात केली. हॅरी ब्रूक आणि अभिषेक शर्मा यांनी हैदराबादला चांगली सुरुवात करुन दिली

Ravindra jadeja best bowling sunrisers hyderabad set a target 135 runs against chennai super kings
Shreyas Iyer Injury: आनंदाची बातमी! Shreyas Iyer च्या पाठीची शस्त्रक्रिया यशस्वी, मैदानावर केव्हा करणार कमबॅक? वाचा

दोघांमध्ये चांगली भागीदारी होत असताना आकाश सिंहने हॅरी ब्रूकला माघारी पाठवलं. ब्रूकने १३ चेंडूत १८ धावांची खेळी केली. या खेळीत त्याने तीन चौकार लगावले. हॅरी ब्रूक बाद झाल्यानंतर राहुल त्रिपाठी आणि अभिषेक शर्मा यांनी डाव सावरला. दोघांनी चांगली भागिदारीही केली.

मात्र, महेंद्रसिंग धोनीने रवींद्र जडेजाकडे चेंडू सोपावला. जडेजाने लागोपाठ दोन विकेट घेत हैदराबादला बॅकफूटवर ढकललं. जडेजाने आधी अभिषेक शर्माला रहाणेकरवी झेलबाद केले. अभिषेकने २६ चेंडूत ३४ धावांची खेळी केली. या खेळीत त्याने ३ चौकार आणि १ षटकार लगावला. अभिषेक शर्मा बाद झाल्यानंतर राहुल त्रिपाठीही लगेच तंबूत परतला.

राहुल त्रिपाठीने २१ चेंडूत २१ धावांची खेळी केली. त्रिपाठीनंतर कर्णधार एडन मार्करमही १२ धावांवर बाद झाला. हेनरिक कालसेन याला चांगली सुरुवात मिळाली होती. पण त्याला मोठी खेळी करता आली नाही. कालसेन याने १६ चेंडूत १७ धावांचे योगदान दिले. मयांक अग्रवालला हैदराबादने फिनिशर म्हणून खेळवले. पण जडेजाने त्याला सुद्धा झटपट माघारी पाठवलं.

वॉशिंगटन सूंदर आणि मार्को जानसेन यांनी अखेरच्या दोन षटकात आक्रमक फलंदाजी केल्यामुळे हैदराबादची धावसंख्या १३० च्या पुढे पोहचली. वॉशिंगटन सुंदर याने ९ धावा केल्या तर मार्को जानसन याने १७ धावांचे योगदान दिले. हैदराबादच्या संपूर्ण डावात फक्त दोन षटकार आणि ११ चौकार लगावण्यात आला आहे.

चेन्नईच्या गोलंदाजांनी पहिल्या चेंडूपासूनच अचूक टप्प्यावर मारा केला. आकाश सिंह, तुषार देशपांडे आणि ज्युनिअर मलिंगा यांनी भेदक मारा केला. तर मोईन अली, रविंद्र जाडेजा आणि महिश तिक्ष्णा यांनी फिरकीच्या जाळ्यात हैदराबादच्या फलंदाजांना फसवले. चेन्नईकडून रविंद्र जडेजा सर्वात यशस्वी गोलंदाज ठरला. त्याने ४ षटकात २२ धावांच्या मोबदल्यात ३ विकेट घेतल्या. तर आकाश सिंह, महिश तिक्ष्णा, पथिराणा यांनी प्रत्येकी १ विकेट घेतली.

Edited by - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com