क्रिकेटपटू रोहित शर्माला अलिबागची भुरळ; खरेदी केली 4 एकर जागा

सेल्फी काढण्यासाठी चाहत्यांची गर्दी
क्रिकेटपटू रोहित शर्माला अलिबागची भुरळ; खरेदी केली 4 एकर जागा
क्रिकेटपटू रोहित शर्माला अलिबागची भुरळ; खरेदी केली 4 एकर जागाराजेश भोस्तेकर

राजेश भोस्तेकर

रायगड - जागतिक दर्जाचे क्रिकेटर सचिन तेंडुलकर, रवी शास्त्री, अजित आगरकर, विराट कोहली हे अलिबागकर झाले असताना आता भारतीय क्रिकेट संघाचा आघडीचा फलंदाज रोहित शर्मा याला सुद्धा अलिबागच्या सौंदर्याची भुरळ पडली आहे. अलिबाग तालुक्यातील मांडवा बंदरा जवळील सारळ या गावात रोहित शर्माने 4 एकर जागा 9 कोटी रुपयांना खरेदी केली आहे. जमिनीची रजिस्टरी करण्यासाठी रोहित शर्मा सपत्नीक आज अलिबागच्या दुय्यम निबंधक कार्यालयात आला होता. रोहित शर्मा आल्याचे कळताच त्याच्यासोबत सेल्फी काढण्यासाठी चाहत्यांनी गर्दी केली होती.

हे देखील पहा -

क्रिकेटपटू हार्दिक पंड्या आणि वृषभ पंत हे देखील लवकरच अलिबागकर होणार असून अलिबागेत जागा आणि रो हाऊस खरेदी करणार असल्याची सूत्रांनी माहिती दिली आहे. अलिबाग तालुका हा निसर्गाने नटलेला असल्याने अनेकांना त्याच्या सौंदर्याची भुरळ पडत असते. राजकीय नेते, अभिनेते, उद्योजक, सामाजिक क्षेत्रातील प्रतिष्टीत व्यक्ती हे अलिबागकर झाले आहेत.

क्रिकेटपटू रोहित शर्माला अलिबागची भुरळ; खरेदी केली 4 एकर जागा
पतीच्या दुसऱ्या शाही विवाह सोहळ्यात पहिल्या पत्नीचा राडा

क्रिकेट जगतातील महान खेळाडू यांनीही अलिबागमध्ये जागा घेतलेली आहे. अलिबागच्या या सौंदर्याची भुरळ ही रोहित शर्मा यालाही पडली आहे. निसर्गाच्या सानिध्यात राहण्यासाठी क्रिकेटर रोहित शर्मा याने अलिबाग सारळ येथे 4 एकर जागा खरेदी केली आहे. रोहितने 9 कोटी रुपये या जागेसाठी दिले असून आज अलिबाग दुय्यम निबंधक कार्यालयात खरेदीखत रजिस्टर केले. जागतिक कीर्तीचे क्रिकेटर हे आता अलिबागकर झाले असल्याने अलिबागचे नाव अजून उंचावले आहे.

Edited By - Shivani Tichkule

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.