Ind vs Aus: दुसऱ्या वनडेत रोहितची एन्ट्री होताच 'या' दिग्गज खेळाडूचा होणार पत्ता कट

Ind vs Aus 1st ODI: मुबंईच्या वानखेडे स्टेडीयमवर भारत आणि ऑस्ट्रेलिया यांच्यातील पहीला वनडे सामना पार पडला. या सामन्यात भारतीय संघाने जोरदार कामगिरी करत ५ गडी राखून विजय मिळवला.

या विजयासह भारतीय संघाने वनडे मालिकेत १-० ची आघाडी घेतली आहे. आता दुसऱ्या सामन्यात रोहित शर्माचे पुनरागमन होणार आहे.

त्यामुळे दुसऱ्या सामन्यात आक्रमक फलंदाजाला बाहेर बसावं लागणार आहे.

पहिल्या वनडे सामन्यात रोहित शर्माच्या अनुपस्थितीत हार्दिक पंड्या भारतीय संघाचे नेतृत्व करताना दिसून आला होता. तर सलामीवीर फलंदाज म्हणुन शुभमन गिल आणि ईशान किशन यांना संधी दिली गेली होती. (Latest sports updates)

मात्र ईशान किशनला या संधीचा लाभ घेता आला नाही. स्वस्तात माघारी परतल्यामुळे तो दुसऱ्या वनडेतून बाहेर होऊ शकतो.

ईशान किशनच्या पहिल्या वनडेतील कामगिरीबद्दल बोलायचं झालं तर, तो ८ चेंडूंमध्ये अवघ्या ३ धावा करत माघारी परतला.

त्यामुळे रोहित शर्माचे पुनरागमन झाल्यास ईशान किशन बाहेर होऊ शकतो.

ईशान किशन बाहेर होण्याचं प्रमुख कारण म्हणजे रोहित शर्मा सलामीला फलंदाजी करतो. शुभमन गिल सध्या जोरदार फॉर्ममध्ये आहे.

तर केएल राहुलने ७५ धावांची खेळी करत जोरदार कमबॅक केलं आहे. केएल राहुल यष्टीरक्षक फलंदाजाची भूमिका पार पाडतोय. मालिकेतील दुसरा वनडे सामना १९ मार्च रोजी खेळवला जाईल.